السلام عليكم، اهلا بأهل القصر الأعزاء فى حلقة جديدة من برنامجكم المفضل ( العلم والإيمان )، النهاردة هنتكلم عن كوكب ازرق اول ما اكتشف كان فى 2006، و دخله المصريين عام 2010 و اهتموا بيه أكتر من أول 2011، و ببيئة الكوكب ظهر لنا كائنات حية جديدة و مذهلة هنتكلم عنها النهاردة.

1- إنسان الهايبر ماركت

يعنى سبحان الله العلماء على الكوكب ده عرفوا يربطوا عقل بشرى بالهايبر ماركت
الهايبر ماركت اللى فيه كل حاجة من الإبرة للصاروخ بقى بيتكلم فى كل حاة ، سبحان الله
شايفيين التطور و الإعجاز
الواحد منا ميعرفش الصاروخ لكن بعملية بسيطة تعرف كل حاجة

2-الشحاتين

فى هذا الكوكب انت مش بتشحت فلوس زى كوكبنا
لا انت بتشحت ما يسمى بالمتابعين و الناس
شايفين الجديد
يعنى هناك ممكن تشحت صاحبك علشان
معرفش علشان مكدبش عليكم
بس يعتبر جديد

3-لاجئ 24 ساعة

يعنى على ما اذكر فى قصرنا البسيط طلب الرئيس مننا العمل
هناك بيعملوا بإجتهاد و ضمير
تويتة كل ثانية
و ده يجعلك تتسائل هو ده بيجيب كام؟
فلوس مش متابعين
اه عرفت لا شئ
و من هنا اقول
العمل هو ما يجعلنا مؤيدين للرئيس مش تويتات

4-أحفاد مسيلمة

الكذب حرام و التهويل الكاذب حرام
بعض المتدعين لدين الإسلام بيكدبوا فغالباً قى رسول و دين جديد نزل على الكوكب و لهذا لا نفهم دينهم
ده أفضل إحتمال
المشكلة ان فى ناس بيحبوا صاحب القصر محتسبين على هذا الدين أيضاً
حتى الدين فيه إختلاف

من مشاهدتى لهذا الكوكب الجديد، فقط اقدر ان اقول، و يخلق ما لا تعلمون