الرئيسية / صحة / وهم علاج السرطان بالاكل

وهم علاج السرطان بالاكل

سلسله العلم والايمان الحلقه الـ30 اهلا بيكم.

لو كتبت علاج السرطان في جوجل حتلاقي ملاييين المقالات اللي بتتكلم عن كده وحتلاقي مقالات مكتوبه بثقه ما توحيلك ان السرطان ده اصبح زي الانفلونزا كده وانه ممكن يتعالج بحبيتين افوكادو علي حتتين قشطه.

هل هنالك علاج قطعي لمرض السرطان؟

اقولكم حاجه ,,لغايه دلوقتي ورغم كل الابحاث اللي بتتعمل والبلايين اللي بتتصرف,,السرطان مالوش علاج قاطع وحاسم

ايوه بنتطور وايوه بنفهم اكتر وايوه بنكتشف اسلحه جديده لمواجهته لكنه كمرض خبيث لا يزال في جعبته الكثير والكثير من الاسرار

حتلاقي معلومات كتيره جدا واغلبها مش صحيح او مش دقيق او مبالغ فيه اوي ,,واكيد في صعوبه للقارئ العادي انه بفرق بين الاخبار الحقيقه والخرافات فما بالك بالعيان الي بيتعلق بقشه

كمان المعلومات المغلوطه والخرافيه دي بتبقي مكتوبه بطريقه منمقه ومخصوصه لسهوله تقبلها ,,وتكون منطقيه الي ابعد حد ممكن ليسهل تمريرها ,,القصه ان لما تمشي ورا المعلومه تلاقيه في الاخر اما نوع من التكهنات او الخرافات او تجربه في المعمل علي خلايا او ملاحظه لحظوها في عدد محدود من العيانين ده ان كان في عيانين اصلا

لا يمكن حتلاقي ورقه علميه محترمه بتتكلم عن تجربه هذه المعلومه علي عيانين بجد قصاد العلاج التقليدي المعروف واثبات ان اي حاجه غير طبيعيه احسن من العلاج الروتيني للاورام

موضه علاقه الاكل بعلاج الاورام

بيتقال دلوقتي موضه كده عن علاقه الاكل بعلاج الاورام

الاكل طبعا له علاقه وثيقه بحدوث بعض الاورام ,,وفي دراسات بيئيه بتبين زياده نسبه انواع معينه من الاورام مع طريقه اكل معينه وانواع اكل ايضا معينه

يعني اللحمه الكثير وخصوصا المشويه لها علاقه بزياده الاصابه بورم القولون ,,,الاسماك المملحه الكتيره لها علاقه بالاصابه بورم البلعوم الانفي وحاجات زي كده كتير

اساسا السمنه عموما هي عامل من عوامل الخطوره للاصابه باورام الثدي والرحم في الستات واورام برضه القولون في الرجاله

والمرضي اللي وزنهم كبير بيكون استجابتهم للعلاج اقل شويه من المرض اللي وزنهم مظبوط

فدايما الاكل له علاقه بالاورام ,,ولو اتكلمت فيالموضوع ده عايزلي بتاع 100 مقال

انا بس حاتكلم عن كام حاجه

علاقة الوسط الحمضي الوسط القلوي بعلاج السرطان

في موضه دلوقتي اسمها الketogenic diet<<

وده ياختصار انواع معينه من الاكل بتخلي الوسط اللي حوالين خلايا لجسم يميل الي القلويه ,,لان في تجارب بتقول ان الخلايا السرطانيه بترعرع في الوسط الحمضي

وبيقل نشاطها ويمكن تموت في الوسط القلوي

فبالتالي انا لو اكلت اكل قليل البروتين والدهون وعالي الكاربوهيدرات واطعمه معينه ممكن اوصل لهذا الوسط القلوي اللي يموت خلايا لورم

الكلام ده في انبوبه اختبار ,,ينفع اوي انما في جسم الانسان ما ينفعش لاسباب كتيره:

  • اولا لما قاسوا النسبه القلويه اللي عندها الخلايا بتموت وجدوا ان هذه النسبه لا يمكن الوصول ليها باي اكل الا اذا اكلت فناطيس منه
  • ثانيا حتي لو وصلت لهذه النسبه فالورم مش في الهوا كده الورم جوا انسان يعني زي ما الخلايا بتاعه الورم حتموت في خلايا تانيه سليمه وحيويه برضه حتبقي في خطر داهم زي خلايا الكليه والكبد والجهاز العصبي والعضلات

ده غير وجود جهاز في الجسم مسئول عن قصه الحمضيه والقلويه وبيعدل فيها دائما علشان تفضل متعادله الي حد ما باستخدام الكلي والرئه

تدور في كل المراجع تلاقيهم كاتبين عنواين براقه كده تشد القارئ علشان ينتبه ويقع في المحتوي ولازم يقرنوها بكلمه طبيعي او العوده الي الطبيعه ,,او العلاج البديل

,,علشان يعني يخلوك تحس انه علاج بيسط وطبيعي مش العقاقير السامه اللي انت بتاخدها

تلاقي ابحاث معموله زي ما قلت انما علي خلايا او علي فيران او ملاحظه كده علي عيان كان بياخد علاجه عمل الدايت ده واتحسن حتي ما خفش تماما

وكل شويه يفتكسولك افتكاسه الشاي الاخضر البروكلي جزور الشمند الاحمر ,,,ويقولك هيا دي اللي حتقيك من الاورام ,,طبعا دي شئ من السذاجه انك تعتقد ان

الاورام بتعقيداتها وغموضها دي تتكون بتعتمد علي نوع او اكتر من نوع من الاكل في حدوثها وانك لو او حتي في عدم حدوثها

طبعا الاكل الصحي والخضروات والفاكهه مهمه جدا للصحه العامه اولا وفي مراحل علاج الاورام بس لانها بتقوي جهاز المناعه فبالتالي بتساعد اكتر علي الوقايه من

الاورام عموما انما مش نوع معين او لو كلت فاكهه كل يوم يبقي ضمنت ان مش حيجيلك نوع من الاورام

هل السرطان بيزيد مع أكل السكر؟

السرطان مش بيتغذي علي السكر فتقلل السكر في اكلك علشان تعالج السرطان

السرطان مش نوع من الفطريات بيتعالج بكميات كبيره من بيكربونات الصودا

مفيش حاجه اسمها الدوا المعجزه اللي بيشفي من جميع الاورام بجرعات صغيره وب100 جنيه لسه ما اخترعوهوش

مفيش حاجه اسمها بول الابل والحجامه بتعالج الاورام

بعض الانتي اوكسيدانت اللي بتتاخد للوقايه من الاورام بيبقي ليه تأثير ضار جدا خلال العلاج الاشعاعي ,,لان العلاج الاشعاعي بيعتمد علي توليد جزيئات متاينه تهاجم

الخلايا لسرطانيه والانتي اوكسيدانات دي بتكنس هذه الجزيئات وتقلل كفائتها

مفيش حاجه اسمها العلاج الكيماوي بيدمر اكتر ما بيعالج ,,كل اللي بيعمله ان بيهاجم الخلايا اللي بتتكاثر بسرعه ويقضي عليها وكل شويه بنكتشف طرق جديده تخلي

العلاج الكيماوي اكثر تاثيرا علي الورم واقل ناثيرا علي الخلايا السليمه

طب يعني هيا كده باظت خالص

لا مباظتش والا حاجه ,,,الاكل مهم جدا كمساعد للعلاج ,,كاداه لشحن الجسم وتاهيله لمواجهه الاورام ,,كمساند لدعم جهاز مناعي قوي يقدر يتعامل مع الاورام

وخصوصا ام دلوقتي بقا في علاج مناعي كمان بيعتمد علي توجيه ترسانه المناعه اللي في الجسم نحو الاورام

خد علاجك اللي شايفه دكتورك المتخصص علي حسب حالتك اللي اكيد تختلف عن حاله اي حد تاني واستعين بالاكل كمساعد للعلاج مش كبديل له والا اداه او سلاح

لقتل الاورام

خلصت حلقه النهارده

تحياتي لكم جميعا

د عمرو لطفي

فيديو وهم علاج السرطان بالاكل

أضف تعليقك هنا

د. عمرو لطفي

د. عمرو لطفي