الرئيسية / أدب / نثر / العجب كل العجب

العجب كل العجب

العجب كل العجب
على ناس ماشية في طريق الدم
وناس عايشة عشان تجبلك هم
وناس راسية وناس قاسية
وشوش تضحك وشوش تبكى
وناس طريقها في فيزياء الكم

رايحين لفين ما احناش عارفين
وناس تفتي كتير في الدين
وناس تقول الصح ونعمل مش سامعين
وناس في حجرة الانطواء ساكنين
وناس في الفراغ عايشين
ووقت الجد تلاقيهم مش نافعين
ووقت الهلس اكتر ناس متجمعين

وناس من كتر احزنها ما عاشت فيها
بقيت تضحك تغيظ الحزن
وتقولوا خلاص مابتاثرش
ولو حاجة جات تفرحهم تزعل
عشان هى مرة وما بتكررش

وناس عايشة في هيئة طفل
وناس قافلة دماغها بقفل
وناس عايشة في الماضى
وناس من ماضي عايشة خيال
وناس شيله فوق ضهورها جبال
وشايفة الأمل تحقيقه محال

مفيش حاجة صعبة على رب الكون
يقول للشيء كن فايكون
عنده كل شيء بين حرفين
وده كله بين الكاف والنون

فيديو العجب كل العجب

أضف تعليقك هنا

مختار صبحي

مختار صبحي