الرئيسية / قضايا مجتمعية / هتتجوز ليه؟ – #لهجة مصرية

هتتجوز ليه؟ – #لهجة مصرية

هتتجوز ليه؟

حبيت اكتب عن هتتجوز ليه اة صحيح هتتجوز ليه ؟ ايوة يلي هناك يلي قاعد علي القهوة وبتقول الشاي هنا …. هنحكي مع بعضنا هتتجوز ليه ؟

جملة من كلمتين هتتجوز ليه ….؟ طبعا شباب كتير بتسال هتتجوز ليه ؟

طبعا الاجابة عن الجملة دي ؟ مختلفة الاراء ووجهات النظر وموضوع مليان تناقضات كتيره اوي …. طيب ماتيجي انا اقولك واحكي في السطور الجاية دي عن وجهة نظري ووالكلام اللي سمعته لما كنت اقول الجملة دي هتتجوز ليه لحد من اصحابي او زميلي او اصدقائي او حد عالفيس بوك ……

(سنة الحياة وأكمل نص ديني)

طبعا لما تروح تقعد مع صاحبك وتقوله الجملة دي ( هتتجوز ليه ؟) طبعا هيرد ويقول بفكر مقتبس بدون تفكير ومحفوظ في العقول بدون تتدوير هيرد عليك ويقولك …. انها سنة الحياة …وطبعا ممكن تلاقي الرد منه عبارة عن جملة بيقولها ناس كتير وهيه …. اكمل نص ديني …..

هل الحياة متكملش غير بالجواز؟

طيب هنا وانت ماشي وبعد ما سمعت الجملتين الاكثر شيوعا بين السنه الناس وهيه ( سنه الحياه واكمل نص ديني ) وتقعد تفكر هل الحياة متكملش غير بالجواز …. يعني الواحد لو متجوزش يبقي حياته ناقصة طيب ناقصة اية واحدة ست ….. واطفال يبقي كدة الحياة كملت يعني الحياة بدون جواز لاتبقي حياة طيب ماهو الجواز برضو بدون حب وبدون تفاهم وبدون مشاركة ميبقاش جواز دة يبقي محل ايجار …. سيبنا هنا من موضوع الجواز بدون حب خلينا في موضوعنا الاساسي اللي هو ان الجواز سنه الحياه ….

انا من راي ان الجواز ليس سنه بل هو دورة اكتمالية فالدنيا يعني شئ اجباري اكمالي بيكمل دورة الحياة يعني الجواز بالمعني البلدي مش مفروض عليك يعني شئ اختياري بالمعني العلمي ….. لكن بالمعني الاجتماعي ان الجواز شئ مفروض عليك دايما تلاقي ناس تسالك وتقول انت لسة متجوزتش لية يحسسك ان الحياة بدونه مالهاش معني ….الحكاية كلها ان الجواز دورة تكميلية للحياة بس الدورة دي محتاجة تخطيط مش شئ وخلاص لالالالا الجواز زي زي ما بتختار وظيفتك وتحاول تحافظ عليها هيه دي النقطة اللي لازم نفهمها كويس انا الجواز يكمل نص ديني … فدة قول شائع من أجل الابتعاد عن المحرمات يعني الجواز بيبعدك عن الذنوب بدنيتك

اتجوز بالبركة

الناس اللي بتتجوز بالبركه بتتعب اوي وكمان بتخلف اطفال بتعيش دور معقد فالمجتمع علشان اتجوزت بالبركه بدون تخطيط هيتجوزوا لية وهيعملوا اية بعد ما يتجوزا ………..

اة صحيح فية ناس توافقت في الجواز بالبركة وناس لم تتوافق في قصة البركة فالحكاية كلها محتاجة تخطيط مش محتاجة بركة البركة ان تخطط وتتوكل علي الله مش انك تقول يلي خيلها باالبركة لالالالالالالا

ده مفهوم غلط وبسبب هذا المفهوم اتملئ المجتمع اطفال معقدين والاطفال دي خلي بالك كبرت والتعقيد كبر معاها بدرجة اننا كمجتمع عربي مش عارفين نحل مشاكل اللي حصلت بسبب الجواز اللي بالبركه

اتجوزوا فقراء

صحيح فالمجتمع هنلاقي ناس اتجوزت فقراء واصبحوا اغنياء دي حقيقة فعلا ولكن الاصرار هنا هو اللي خلاهم اغنياء لانهم تكاتفوا مع بعضهم واصبحوا يدا واحده ..

(ايد لوحدها لا تصفق)

فية عبارة بتقول ( ايد لوحدها لا تصفق ) دي حقيقة لو انت اتجوزت وهيه موقفتش معاك في البيت من ناحية العمل وانت لو موقفتش جمبها من ناحية تحضير الاكل والغسيل مش هيبقي فية في البيت تكاتوا يؤدي للغني والثراء الفاحش لازم يبقي فية تكاتف من اجل الثراء

يبقي هنا الاصرار هو اللي خلاهم اصبحوا اغنياء وليست البركة او السحر

اتجوزوا وحوشوا

عنوان غريب بس فعلا لما تتجوز وانت معاكش فلوس تحس انك عايز تجاهد اوي في الحياة علشان تبقي قادر تفتح بيت بتفضل تفكر ازاي توفر لو انت بتشرب سجاير بتفضل تفكر تبطل علشان توفر وتحوش للبيت ووولادك دة شئ تلاقي في اي حد بس للاسف فية ناس مش قادرة تغير نفسها بعد الجواز هو دة السبب اللي بيخلينا نعيش في حياة معقدة احنا لازم نتغير قبل ما نفكر نتجوز كل واحد يغير ويصلح من عيوبة علشان يقدر يقاوم ويعيش ….

هتتجوز ليه؟

طبعا بعد كل الكلام دة عرفت وفهمت انت هتتجوز ليه ؟ طبعا لسة مستوعبتش كلامي اقولك انا هتتتجوز لية ودة من وجهه نظري ..

انت هتتجوز علشان نفسك تتتغير ايوة هيه دي الحقيقة بلاش ننكرها عايز تتغير فابوك بيروح مدبسك في الجواز علشان تتغير وتبدأ تشيل مسؤلية بيت بس انت مش بتشيل مسؤلية بيت دي اكبر كدبة موجودة في الواقع وهيه كدبه ان الاب يشيل مسؤلية البيت امال مراتك بتشيل اية مش انت لوحدك اللي بتفكر فى البيت ومراتك برضوا معاك بلاش تنكر الحقيقة

هتتجوز ليه؟

  • انت هتتجوز علشان تعف نفسك من الذنوب الصغيره اللي بدور في عقلك فبتروح تتجوز ولكن بتطلع الحكاية غير الحكاية وتبدأ العملية زي ماهيه مش بتتغير عند بعض الناس …..
  • انت هتتجوز علشان تبطل تقعد على القهوة مع اصحابك ولكن للاسف برضو بتروح تقعد علي القهوة مع اصحابك و تسيب مراتك لوحدها في البيت يبقي اية لازمته بقي الجواز والأطفال ويجوا يعذبوا معانا فالحياة
  • انت هتتجوز علشان تبطل تشرب سجاير بس للاسف مش بتقدر وتفضل تنفخ اكتر واللي يجي يقولك ياعم جرب الشيشة احسن وتجري علي الشيشة وتبقي زي ما انت ؟ بدون تغيير يبقي ملهوش لازمة الجواز
  • انت هتتجوز علشان عايز تحوش وتفضل تسعي وراء الفلوس وتفكر أكثر في الفلوس وتيجي تحوش متعرفش تحوش تلاقي مصايب طلعت لوحدها او تلاقي المدام عيانه وضيع التحويشة يبقي مالهوش لازمة الجواز بقي وتخلف عيال ونرمي في المجتمع وتكتر المشاكل
  • انت هتتجوز علشان هضيف تغيير في حياتك ؟ وهل ياتري اية التغير اللي ضفته وانت اعزب مفيش تغيير يبقي مالهوش لازمه تتجوز وتخلف عيال وترميهم وسط المجتمع
  • انت هتتجوز لية علشان نفسك تتطلع كل مشاعرك المثيرة والغير مثيرة بس الشغل واخد وقتك كله انت والمدام وفي الاخر تتطلع المشاعر تخيلات يبقي مالهوش لازمه تتجوز وتبداء مشاكلك العاطفية بينك وبينها
  • انت هتتجوز ليه ؟هو دة السؤال الصح اللي لازم تتدور عليه في حياتك وتخطط ازاي تتغير قبل ما تتجوز وتشوف كويس وتفتش في عيوبك قبل ما تقول انا اقدر اتجووووووووووووووووووووووز

فيديو مقال هتتجوز ليه 

 

أضف تعليقك هنا