جسمنا اكبر من سننا في الجيم

 

بنشاهد حاليا واحنا ماشيين في الشوارع بنلاقي انتشار رهيب في صالات الجيم بطريقة كبيرة .. وبنبقي شايفين ناس ضخمه طالعه من جوة .. وتفضل تسال نفسك ..شوية الحديد اللي جوة دول يعملوا كل الجسم الضخم دة … هل ياتري في كام سنه بقي الشخص دة ضخم كدة وعضلات كبيرة . شئ لا يصدقة عقل …

لو فعلا شوية الحديد اللي جوة دول بنوء العضلات دي في خلال خمس سنين بمجهود طبيعي يبقي دة شئ ممتاز …. العجيب بقي لما تقرر بنفسك انك تتدخل صالة الجيم وتبداء تعمل اشتراك وتلعب جمب الشخص الضخم دة وتبداء تحفظ التمارين وتتحمس في بداية امرك لمدة كام شهر وبعدين تفقد الامل في ظهور عضلة واحدة بس في جسمك وتفضل تقول اية الفشل اللي انا فية دة وتحس انك مش بتتقدم ابدا …

النقطة هنا والاهم ان جسم الانسان علي حسب قراءتي ان جسم الانسان طبيعيا تنمو فيه العضلات ببطء شديد في بعض الاجسام وهناك اجسام اخري تنمو فية العضلات بطريقة كبيرة

وسريعه جدا ..هل ياتري الحكاية اية … الحكاية ان فية مادة جوة الجسم بتكون وراثية معدل المادة دي اللي بتسرع الافرازات العضلية بتكون مختلفة من جسم شخص الي جسم شخص اخر … طبعا اهم هرمون في جسم الانسان وبالاخص الرجل هو هرمون التستيرون ودة بيساعد علي بناء عضلات الجسم طبعا بيكون بنسب صغيرة لدي النساء وبنسب كبيرة لدي الرجال بس فية رجالة نسبة التستيرون قليلة جدا فعلشان كدة تلاقي الراجل دة نموه بطئ ودة بيكون الافضل لانه بيظهر علية علامات التقدم في العمر ببطء عكس الشخص اللي بيكون فية النمو سريعا وبيظهر علية علامات تقدم العمر بسرعه ..الرياضية بقي بتعمل انتعاش للهرمون دة لان الجسم جواة االياف والالياف دي لو متحركتش بتتضعف ….

بتتدخل الجيم وبتلاقي ناس بتتضرب حقن التستيرون ويبداء جسمها ينمو بسرعه

رهيب كل 6 شهور ولما بيزودا الجرعه جسمهم بيزداد بطريقة اكبر واكبر واسرع …. يجي شخص كدة يعمل نفسة ناصح عليك وتساله تقولة دة طبيعي يقولك ايووة طبيعي وتساله تقولة ليك كام بتلعب في الجيم يروح يرد عليك ويقولك انا لية 6 شهور …. طبعا انت مش مصدق 6 شهور بيلعب طبيعي وجسمه يبقي كدة …. تروح سااله تاني طيب حضرتك ؟ ليك جدول تتدريبي واكل معين … يروح بكل فسي وكدب يقولك اه انا باكل اكل معين وانا بتمرن تمرين معين …..

الموضوع هنا

انا شخصيا دخلت الجيم سنه 2006 وبدات اتمرن طبيعي ملقتش اي حاجة بتظهر علية من عضلات نهائيا فضلت سنه كاملة بس لقيت حاجة غريبة في جسمي ان الاستمرارية خلتني احس بمظهر جميل لما البس حاجة زي قميص او تي شيرت …. وبعدين بداء النمو العضلي ببطئ شديد سنه 2007 وبدات اشو ف سلة الزبالة وهيه مرمي فيها حقن الستستيرون من اللاعيبة وهما بيضربوا حقن علشان يتخنواوعضلاتهم تكبر وتنمو …

قولت اجرب واشوف بتعمل اية الحقن دي ؟

روحت الصالة واشتريت من الكابتن حقنه بعد ما اخد الحقنه قاالي لازم تستمر عليها كل اسبوع علي الاقل حقنه …. لاحظت بقي اية ان الحقنه بتعطيني طاقة شديدة وبتخليني اشيل اوزان اثقل ؟؟ دة مش من اول حقنه لالالا دة تقريبا من بعد الحقنه رقم 9 ….قولت طيب ابطل بقي الحقن دي واجرب اشيل بدون حقن ….. لاحظت ان طاقتي بدات تنزل تنزل تنزل تنزل تنزل اة والله العظيم وبدات اخس اخس اخس وابقي ضعيف جدا … رجعت العب ب 5 كيلو جرام … دمبل تاني … قولت يالهوي هيه الحقن دي بدمر طاقة الانسان الطبيعيه دة انا مش عايز اتخن ولي ابقي عضلات …ولقيت العضلات اللي انا عملتها راحت ….

تعالي بقي اقولك علي واحد كان بياخد حقنه اسمها اكواجين ودي بتاعه حيوانات  زي ما قريت علي جوجل انها تخص الحيوانات للتسمين … الشخص دة بياخدها عضلات جسمه كلها دهون اة هو ضخم لكن علي الفاضي مالهوش اي ستين لازمه لانه مش بيقدر يشيل الي حاجة مجهودة اقل ولاحظت علية الكلام دة لقيت مجهودة بيقل وشكلة اكبر من سنه اة والله …..

دخلت الجيش بقي ونسيت الجيم والكلام دة …

وطلعت من الجيش بدات العب في البيت مع نفسي واتجهت الي نظرية اسمها الاستمرارية … اشتريت سوسته رياضية وبدات امارس في البيت ضغط وسوسته رياضية واقتنعت تماما ان الرياضة ماهيه الا استمرارية وجسد شبابي مش جسد ضخم وسنه اصغر من جسمه ….. لا جسد شبابي يعني جسمك اصغر من سنك …. لكن الحقن والمكملات خلت الرياضي جسمة اكبر من سنه … اة والله اصبح جسمنا اكبر من سننا .. تخيل بقي الرياضة اللي بنشوف العبارات الجميلة اللي بتشجعنا اننا نمارس رياضة زي الرياضة مظهر شبابي ..؟ تخيل فين بقي دلوقتي المظهر الشبابي اللي بنشوفة دة مظهر عجوزي وسنه اصغر …؟ تروح تسال الضخم دة سنك كام يقولك 30 سنه وشكله اكبر من حجم سنه …….

فيديو جسمنا اكبر من سننا في الجيم

أضف تعليقك هنا