موقع مقال موقع تواصل اجتماعي يتخذ من المقال وسيلة تعبير وتفاعل، وينتج فيديو عن كل مقال
انا عارف انك بتفكر في الانتحار زي ما انا بفكر فيه بالظبط وفاهمك بتسال نفسك اسئلة كتير اوي.. بدايه السؤال هو ليه ؟ وعلشان ايه ؟ والسبب ايه ؟ واحنا كدا ليه؟
ومع ذلك مش بتلاقي اجابات للاسئلة بتاعتك داخل نفسك مش داخل الناس … لا انت بدور على اجابات داخل عقلك مش داخل عقول الناس لانك حافظ وعارف عقول الناس وعارف اجاباتهم المتشابهه كويس جدا …
برضو مازلت بتفكر في الانتحار وبتراودك فكرة الانتحار كل ما تبعد الفكرة ترجع تاني تفكر في الانتحار .. انا زيك بفكر اكتر منك بالف مرة في اليوم برجع برضو اسال نفسي سؤال واقول اللي هناك دول ازاي متحملين الحياة بالشكل ده ؟؟
طيب المظلوم اللي في السجن ازاي مستحمل انه عايش داخل السجن مظلوم؟؟
طيب الراجل الكبير اللي مازال فقير ازاي مستحمل فقره لحد دلوقتي …
طيب الراجل المريض اللي هناك ده اللي محدش بيسال عليه ازاي متحمل كدا؟؟
الشاب اللي بيتعاطي مخدرات ازاي بيتحمل بعده ثانية عن المخدر؟؟
وكل دول ما زالوا عايشين في الحياة وصابرين ومتحملين .. بس هل ياترى جتلهم فكرة الانتحار قبل كده؟
اكيد جتلهم الف مرة واكتر من الف مرة بس مفكروش ليه ينفذوا فكرتهم ؟
عارف ليه علشان هما خلاص تقبولوا الواقع بتاعهم وبتاع ربنا االلي رسمهولهم .
الحياة عبارة عن رسمه بيرسمهالك ربنا
انا عارف ان فيه اسئلة غير كدة خالص بتسالها لنفسك زي لية انا فقير ؟ لية انا مظلوم؟ لية انا متمرمط كدة ؟؟ الخ …
وعارف انك زعلان من الناس لانهم بيكذبوا عليك ومش بيسالوا عليك عارف انك عملت خير كبير معاهم وساعدهم في حاجات كتير بس مش بيسالوا عليك وزعلان من نفسك لانك نفسك تحس ان فيه حد جمبك …
عارف الحكاية انك تعترف ان الرب موجود هتلاقي نفسك ماشية بنور الله …
المشكلة ان بيجي في ذهنك ان ربنا مش موجود .. لانك بتشوف الظالم مبسوط وبيتمتع بحياته وانت حياتك ضاعت في لحظة ومش معترف بان ده مكتوب وانك لازم تاخد حقكك من الظالم …؟
انا فاهم انك هتقول ان القدر شئ والمكتوب شئ .. انا معاك ان القدر غير المكتوب .. بس لا تقيس المشكلة بوجود الله لان الله كما يقول الدكتور مصطفي محمود بان الانسان بداخله روح من روح الله فنفخ روحه …
وده اكبر دليل ان بداخل كل انسان روح صغيرة من الله …
علشان كدة روح الله اللي جواك هيه اللي بتفضل تسألك وتفسر لك وتمنعك تفكر في الانتحار ؟….
عارف انك بتعصي ربنا وبتعمل معاصي بيعملها كتير غيرك ومش نافع علاج الصلاة والقران وشايف ان العلاج هو شرع الله كالزواج بس ؟
بتلاقي خطوط المجتمع اللي معقدة الحياة ومخلياك حاسس بانك بدون فائدة في الحياة ….
عارف ان المجتمع مضيق الحياة اوي عليك مضيق العيشة ؟
مخليك تفكر ازاي تجيب فلوس وبتحاول وتفشل …؟ لان نفسك متعصيش ربنا ..؟ وتفضل تجرب كل الطرق الحلال والحرام …؟
انا مصدق ان المجتمع هو اللي مضيق عليك المعيشة وانه هو اللي معقد الحياة مع ان الحياة بسيطة جدا .
انا سامعك وانت بتتكلم دلوقتي وبتقول مخنوق من الناس ومن صحابي لانهم كذابين وحوارتيه …
ونفسي ابعد عنهم بس لما ببعد بحس اني تعبان ومضايق ومخنوق ومكتئب …وبحس بالانتظار اكتر ..
انا معاك بحس بنفس الاحساس د وانا عارف انك مش عايز تكون كذاب وانك مش عايز تسير زي ما المجتمع بيسير ؟؟
طبعا بتتضحك علشان بتشوفهم بيكدبوا ومش عارف تواجههم لانهم اقوى منك …
هقولك على حاجه …
لا يوجد في الحياة شئ كامل … ان الله اعطي الكمال لنفسه هو فقط … لان الكون راجع له هو ..
انت شايف ان السبب في الللي احنا فية هو السبب الناس الكتيره اللي زي الفيروس منتشرة في المجتمع …
انت عارف هناك اللي وصل سن 60 سنه ولم يتزوج لحد دلوقتي ونفسه يفرح وبرضو مفكرش ينتحر ؟
انت لية عايز توقف حياتك لحد هنا ؟ عارف فية غيرك مالهوش اي اب وام ولو وقع في مشكلة بيبقي مش عارف يعمل ايه ؟
ليه مانتحرش؟ فية برضو غيرك عنده اب وام وبيضرب كل يوم وبيتهان كل يوم بكلمات تخلية يروح ينتحر ..وبرضو ما نتحرش ..؟
طبعا بتقولي فية ناس انتحرت …. انا معاك ان في ناس انتحرت لانهم نزعوا روح الله اللي موجودة داخل اجسادهم ….
انا عارف انك بتقولي انت ليه مقولتش ان ده مكتوبلهم او قدرهم …؟
جايز برضو يكون مكتوبلهم كده وقدرهم كده …. وان ربنا نزع روحه منهم قبل ما ينتحروا واستقبلهم على كده ….
فكر وفكر تاني وتالت ورابع اكيد في حل ……
فيديو مقال عايز انتحر
