كل واحد فينا خد قراره

وكل واحد حر فى اختياره

واللى تاه فى وسط زحمه

والسر بير وفين اراره

كل واحد عجبه حاله

كل ساكت طب وماله

السكوت مبقاش جريمة

ده الكلام اكبر جريمة

ده السكوت نعمة وفضيلة

حكماؤنا قالوا الصمت قوة

مش بالكلام تكون فتوة

ده الصمت فن وفن عالي

تفضل تلالي وتنام فطيس

لو بالكلام البغبان يصبح رئيس

ونبقى فى حسبة حيص بيص

اتفقنا كل واحد يفضل فى حالوا

طب ومالوا وايه يمنع اللى قالوا

مكتوب تقول حتى نفسك محسوب عليك

ولو تطول او تنول بين ايديك يصعب عليك

مبقتش فاهم حتى الكلام بيقول ايه

لو حد فاهم يقولى فاهم ايه

ده الكلام انا اللى كاتبه حتى مش فهمه

ومن بيقرا ومن بيعرف ومين يهمه

المهم كل واحد خد قراره

وكل واحد حر فى اختياره