<جوجل اناليتكس>
الرئيسية / قضايا مجتمعية / أنتي جميلة – مقال #باللهجة_المصرية

أنتي جميلة – مقال #باللهجة_المصرية

أنا عايزة اتكلم مع البنات ..

انتي عارفة انك  جميلة سواء كنتي طويلة او قصيرة بيضاء او سمرة  سمينة او رفيعة  حلوة انتي  بخجلك جميلة بتعليمك وثقافتك جميلة بصلاتك ونور وجهك ..

اوعي تتهزي لو لسه متخطبتيش او تقعي لو مطلقة انت متخطبتيش علشان لسه نصيبك مجاش او بمعني اوضح الي يستاهلك لسه ملقتهوش  اوعي ترهقي مشاعرك وكرامتك علي حد مهما كان درجة حبك ليه اوعي تعملي زي الي خدتها بدري بدري راح القطر داس عليها وعلي احلامها وجمالها واوعي تقعي او تنكسري لو اطلقتي ايه  مسمعتيش ان الطلاق بيحلي وبيغير عارفة ليه كل الستات الي اطلقو احلو مش علشان كان معاهم رجالة وحشه وكانو مضلمنهم اسفه عزيزتي انتي الي كنتي طافية نفسك ومهتمية بنقع الفراخ من بليل علشان تتبل وناسيه تنقعي عقلك فكتاب …

اخر جمال كنت بتوصليلو لما تلبسي حاجة ملونة من دولابك علشان تكوني عروسته ونسيتي روحك وقلبك واهتميتي تكوني مكان لغريزته علشان ميبصش برا وتحفظي علي بيتك.

لكن الي اطلقت مبقتش خزينة لحاجة ولا لحد غير نفسها اهتمت بشكلها وقلبها اهتمت بعقلها قعدت حسبتها بالورقة والقلم هكمل حياتي ازاي ؟؟!!

اوعي كمان تخديها فكرة ويكون معاكي راجل ابن حلال وصينك وتقولي مالجرب الطلاق ماهو بيحلي هتوقعي فحاجات اوحش من انك تحلوي علشان ببساطة الطلاق بيحلي الستات الجميلة ومقصدتش الجميلة جميلة الشكل انا اقصد الي اتظلمت الي فعلا الزمن والي اختارته يكون شريك حياتها حب يهدها الجميلة الي لما وقعت متكسرتش ودورت علي حل تكمل بيه حياتها سواء رجعت لشغلها او كملت دراستها او حاجة من الي تقوي وتقول للزمن انا مبتهزش وبقف صادمة  قدام بنت اطلقت وبعدها اتجوزت جوازة تانيه معداش شهور فين عقلك فين تفكيرك فين احلامك…

كلامي للجميلة..

الي اهتمت واعتنت بقلبها وسنها وعقلها وروحها كلامي ليكي يلي الضربة الي بتجيلك بتقويكي كلامي للجميلة الي بتحب نفسها وجسمها ومعندهاش مشاكل قدام مرايتها صدقيني اي بنت  لو حبت نفسها الكون كله هيحبها… انتي جميلة

فيديو مقال انتي جميلة 

كاتب

سيتم تصنيف المقال الى صفحة الكاتب خلال دقائق....
ستيم انشاء صفحة للكاتب الجديد وتنفيذ فيديو وتصاميم عن كل مقال، حال توفر:
- صورة شخصية
- حساب فيسبوك أو تويتر
- مقال جديد (لم ينشر سابقا على الإنترنت)
يمكن استكمال ارسال المعلومات بارسالها الى [email protected]

شاهد أيضاً

في تعريفي لمفهوم الحرب..بقلم: مازن عماد..موقع مقال

في تعريفي لمفهوم الحرب

بقلم: مازن عماد ما هي الحرب؟ الحرب ما هي إلا صراع بين بلدين أو أكثر على …