ملهوش لازمة – مقال#باللهجة_المصرية

طرق الحب والزواج

الأيام دي في كتير مننا بيقع في شبهات كتير منها “أنا بحب البنت دي وهي إنسانة محترمة ومش بتكلم غيري و أنا شاب محترم ومش بتاع بنات وبحبها وهتجوزها” بس للأسف انتو الاتنين بتكلموا بعض لنفس الشبهة ألا وهي ” بتحجزوا بعض ” طب بما انك ابن حلال ومش ناوي تتسلى خلينا نحط هنا احتمالين :-

الاحتمال الأول

1-أنا أقدر أروح اتقدملها…طب ايه المانعك؟ و إيه اليجبرك تمشي في الشبهة دي وتشتغل شغل فران…هو عادة لو الموضوع سهل كدا مكنش هيبقى في شبهات من الأساس.ندخل ع الاحتمال التاني..

الاحتمال التاني

2- مش هقدر اتجوزها دلوقتي بس هنفضل نكلم بعض لحد ما ربنا يفرجها علينا..هنقسم الاحتمال دا لفرعين أ,ب

أ- البنت دي مش مكتوبالك عند ربنا :-..في الحالة دي انسى انك تتجوزها ولو فضلت تكلمها 100 سنة هتتجوز واحد غيرك ربنا كاتبهولها و انت هتتجوز وحدة غيرها ربنا كاتبهالك يبقا وصلنا في الأخر ان البتعمله دا كله ملهوش لازمة.
ب- البنت دي قدرك ومكتوبالك عند ربنا :- يبقى انت هنا قدامك طريقين يا ابن الحلال,يا اما توصل لقدرك دا بالحلال يا توصلَه بالحرام…طب ازاي توصل لقدرك دا بالحلال…
يعني تقولها بصي يا بنت الحلال احنا هننفصل دلوقتي وانا هجهز نفسي و هسعى في الموضوع دا وادعي كدا وانا هدعي وربنا يسهل..وانت هتجهز نفسك وتخلص دراستك وتروح تتقدم لها و هتلاقيها مستنياك في الحالة دي أكيد أكيد البنت مش هتتجوز غيرك لإنها مكتوبالك عند ربنا..ووصلنا في الأخر بردو ان البتعمله دا كله ملهوش لازمة.

الايمان بالقدر

أما بقا لو هتوصل لقدرك دا بالحرام..هتفضل تتكلم معاها وتخرجوا وتهزروا و تقضوها موبايلات و في الأخر هتتجوزها..طب ما يا ابن الحلال لو مكنتش كلمتها و عمملت كل دا كنت هتتجوزها بردو لانها مكتوبالك عند ربنا..
ووصلنا في الأخر بردو ان اللي بتعمله دا كله ملهوش لازمة..

_**مهو كدا كدا هو اتجوزها و عمل حاجه كويسة هتكفر عن ذننوبه لإنه أثبت انه مبيلعبش وكان بيحافظ عليها من غيره..
أقولك هنا لااااء,,في فرق كبير جدا بين الطريقين..

الطريق الأول

اتجوزتها+حسنات+بركة..هتقول حسنات ازاي يعني؟؟ ايوا طبعا حسنات..انت بتؤجر على كل الفترة اللي صبرتها ومدخلتش فيها للمعصية و جاهدت نفسك عشان توصلها في الحلال..

الطريق التاني

انت اتجوزتها+سيئات+محق بركة…يعني على ما جيت تتجوزها جمعتلك حوالي مليون ذنب بعدها بقا تأكَد إن ربنا مش هيبارك في الجوازة دي نهائياً برغم انها تمت بس تمت بمعصية.

في حديث للرسول صلى الله عليه وسلم بيقول-( إن روح القدس نفث في روحي أن نفساً لن تموت حتى تستكمل أجلها و تستوعب رزقها فاتقوا الله و أجملوا في الطلب ولا يحملن أحدكم استبطاء الرزق أن يطلبه بمعصية الله فإن ما عند الله تعالى لا ينال إلا بطاعته )….هتقول ازاي( ما عند الله لا ينال إلا بطاعته ) وهو كدا كدا تجوزها بردو حتى لو بمعصية؟
يعني القصد هو “ما عند الله من البركة”؟؟ هقولك لا بردو..!
واحد بيبيع جرجير و واحد بيبيع سجاير لو رزق دا زي دا هما الاتنين هياخدوا رزقهم بس هنا شتان الفرق بين الرزق المصحوب بالبركة بمحق البركة و السيئات -:)
_*في واحد هيقول أنا حبيتها و سيبتها عشان انا طالب الحلال مش الحرام و ارتبطت بعدي ولخصت كل تفكيرها في التاني.
هقولك لو كان خيراً لبقي,,وطالما انت طلبت الحلال و هي مطلبتهوش يبقى إنت في مكانة أفضل و ليك وحدة أفضل تكون طالبة الحلال زيك….

الخلاصة

إيمانك بالقدر و خوفك من ربنا هو اللي هيخليك تسيبها وانت مطمن إن ربنا هيجبر بخاطرك ويزوجهالك.
حبيتها؟؟,,سيببها ولو مكتوبالك عند ربنا هتاخدها غصب عنك وعنها وعني..
#المُريد#البتعمله ملهوش لازمة#فروا إلى الله

فيديو مقال ملهوش لازمة – مقال#باللهجة_المصرية

أضف تعليقك هنا