<جوجل اناليتكس>
المحارب

المحارب

كل شاب يحارب لسبب خاص به

كل الشباب محاربين حارب وبيحارب اللي بيحارب علشان دراسته ، و اللي بيحارب علشان ابوه وامه ، و اللي بيحارب عشان سيجارتين واللي بيحارب علشان عياله اللي هما احيانا بيبقو اخواته و اللي بيحارب علشان نفسه.

وفيه اللي بيحارب علشان يثبت لغيره انه كويس و اللي بيحارب حكومته و اللي بيحارب وطنه و اللي بيحارب علشان دينه واللي بيحارب دينه ، واللي بيحارب علشان ناس اصلا بيحاربوه ، و اللي بيحارب علشان معشنش ، المهم ينول و ياخذ لقب محارب.

يوجد شاب حربه هي بينه وبين الزمن

هعرفكم عن واحد حربه بينه وبين الزمن واهله و اصحابه و مدرسته وشغله ونفسه احيانا ، واحد لحد دلوقت بيحارب بس علشان يفرح غيره ، مكسور مهزوم بينه وبين نفسه.

قدام الناس بطل في الابتسام و ضحكته تحي الامل في قلوب اللي يعرفوه ، نام بره بيته 90% من حياته ، اشتغل اي صنعه و اي حاجه واي اي المهم يجيب فلوس المهم يبقي مهم ، كمل دراسته من الشارع و شغل الشارع.

صاحب و فارق بشر مبقاش يحسبهم من كتر ما مل ، درس تنمية بشرية عملي بين البشر و حروبهم و حكاياتهم و غيره، لو اتغرب في دراسة او شغل يبيع روحه علشان اهله ميشفهوش مكسور و محتاج

شاب جدع

جدع مع كل الناس علشان هو كده بيفرح لفرحتهم ، كبر عن سنه قدم عمره مرتين م الشقا و الوجع والكسور اللي جوه الروح … الكسور اللي ربنا وحده قادر يجبرها ، و غير كده كتييييير محتاج كتب و مجلدات كتير علشان تستوعب حالته و مواقفه و مسيرنا نكمل و اعرفكم عليه و مواقفه و تفاصيل حياته ، بس الاول اعرفكم مين المحارب ، المحارب مش فرد دا جيل ، الجيل ” اللي احلامه حقوق “

شاهد أيضاً

التعليم المجتمعي و القضاء علي كارثة التسرب من التعليم - #مصر

التعليم المجتمعي و القضاء علي كارثة التسرب من التعليم – #مصر

التعليم المجتمعى الحل الأمثل لحل مشكلة التسرب من التعليم “مدارس الفرصة الثانية و الاخيرة “. …