<جوجل اناليتكس>
من قصيدة باللهجة المصرية: عطشان يا حبيبتي دليني على السبيل
الرئيسية / خواطر / عطشان يا حبيبتى دلينى على السبيل – قصيدة شعر باللهجة المصرية

عطشان يا حبيبتى دلينى على السبيل – قصيدة شعر باللهجة المصرية

عطشان يا حبيبتى …

عطشان يا حبيبتى دلينى على السبيل
عطشان يا صبايا دلوه على السبيل
ما انا جيتلك يا صبيه دلينى فين الاقيه
انت هتغنيلى يا حبيبى ؟؟؟
باقولك عطشان افهمينى احساسك راح فين قوليلى
تقصد ايه يعنى ليه منك هتزعلنى
يا حبيبتى انا ما اقصدشى
انا طالب تسقينى قلبى عطشان اروينى

***

ماله قلبك يا حبيبى بعد الشر عليه ده حبيبى
مش وقت هزار يا حبيبتى
يا حبيبى انت ليه غاوى الغاز
والله انا غلبان فين ايام زمان
قول من غير لف ودوران
يا حبيبتى ما انا قلتلك قلبى عطشان
واضحه مش محتاجه تانى كلام

***

والله انت تحير ليه حالك متغير؟؟؟

مش ممكن بجد يا حبيبتى كلامى مش محتاج يتفسر
محتاج شوية رومانسيه مش اكتر
فهمتى ؟؟؟كله اهو متفسر

***

اكيد طبعا
الحمد لله اخيرا فهمتى يا حبيبتى
بص يا حبيبى انا هجيبلك من الاخر لا اتعبك ولا تتعبنى
العيشه بينا بقت زى الصحرا فاهمنى ؟؟؟
صحرا مافيهاش ولا نقطة ميه
الميه دى يا حبيبى مقطوعه فى بيتنا بسببك
لو محتاجها كله يرجعلك

***

حرام عليكى ليه كده تكسرى بخاطرى
طب ايه الحل؟؟؟ عايز اعرف

***

احنا مش فى حارة السقاين تيجى تقول عطشان اسقيك
كده يعنى يا حبيبتى ؟؟؟
غلطان يعنى انى لسه بحبك عطشان ليكى ولحبك

***

ما انا قلت الميه مقطوعه من عندك وكله فى الاخر يرجعلك
فكر وانا تحت امرك

 

نهى هيكل

نهى هيكل

شاهد أيضاً

ما تتجوزش تسلم – #لهجة مصرية

ما تتجوزش تسلم – #لهجة_مصرية

العازب سالم ما تتجوزش تسلم ابعد عن الجواز وسنينه عيش طليق عصفور طاير فى الدنيا …