الرئيسية / قضايا مجتمعية / مشوار طويل – مقال #باللهجة_المصرية

مشوار طويل – مقال #باللهجة_المصرية

حياة الشباب العربي

حياة كتير من الشباب في الوطن العربي اللي لقوا نفسهم عايشين في وسط معين وتفرضة عليهم اسلوب حياة معين وللاسف كبروا وهما في قلبهم رفض تام لاسلوب الحياة دي وكل ما كبروا كبر معاهم حلم انهم يغيروا اسلوب حياتهم وكل ما عزيمتهم بتنكسر ويفقدوا الامل يحاولوا انهم يحيوا الامل والعزيمه في انهم ممكن يغيروا اسلوب حياتهم اللي هما رفضينه.

وتستمر حياتهم بين توقف واستكمال المشوار في سبيل انهم يغيروا الحياة اللي اتفرضة عليهم ومقاومه للمجتمع اللي بيحاول دايما انه يمنعهم من التغيير لان المجتمع مستفيد من اسلوب حياتهم السيئه فبيحاول دايما انه يمنع اي شاب انه يغير الحياة اللي هي اتفرضة عليه وبرغم من كدا بيحاولوا انهم يستكملوا الطريق والمشوار وهما عندهم الامل انه في اخر الظلمه نور.

وهما في الطريق عندهم احساس دائم بالغربه وفي نفس الوقت قلبهم دايما تايه موش عارفين اي حاجه في الحياة بيحاولوا جاهدين انهم يعتمدوا على نفسهم لان مافيش حد بيساعدهم عشان يتغيروا عندهم ثقه واحساس انهم هيقدروا يتغير من غير ما يسعدهم حد.

الأمل بتغيير الواقع عند الشباب

مشوار طويل بيمشوا فيه على مدار عمرهم وكل يوم بيكبر الامل في انهم هيقدروا يحققوا كل احلامهم ويصبح واقع يعترف بيه كل الناس اللي كانوا رفضين انه يتحقق شباب على الرغم من الامكانيات القليله اللي في ايديه استطاع انه يغير حياته من السيئ للافضل واصبح عنصر مفيد للمجتمع عنصر يفتخر بيه المجتمع.

والغريب في الامر ان نفس الناس اللي كانت بتحاول انها تموت الامل في قلوب الشباب اللي بيسعى للافضل ودائما تقول ان من المستحيل لاي شخص ان يغير واقعه السيئ الى واقع رائع هما نفسهم اللي بيفتخروا بنجاح الشباب.

ضرورة أن يقوم الشباب العربي بتحديد الهدف من أجل الابداع

احب اقول لكل شاب عايز يغير حياته من حياة فاشله الى حياة مليئه بالنجاح اياك ان تنتظر المدح والتشجيع من اي شخص.

حدد الاتجاه اللي انت عايزه وترتاح فيه وامشي فيه من غير ما حتى تقول لحد ايه هو الاتجاه اللي انت اخترته حتى لو كلفك الاتجاه دا انك تخسر كل الناس اللي تعرفها بس اهم حاجه ان الاتجاه اللي تختاره يكون للافضل.

يكون اتجاه نحو الابداع، اتجاه ترتقي فيه بشخصيتك وثقاقتك للافضل، المشوار طويل ولازم انك ما تفقدش الامل والعزيمه طول الطريق وثق انك تقدر تحقق كل اهدافك.

فيديو مقال مشوار طويل