<جوجل اناليتكس>
الرئيسية / غير مصنّف بعد / جريمة في الحي الإلكتروني – #قصة #لهجة_مصرية

جريمة في الحي الإلكتروني – #قصة #لهجة_مصرية

بقلم: حمادة الحسيني

فهرس قصة: جريمة في الحي الإلكتروني
فهرس قصة: جريمة في الحي الإلكتروني

(تافه مذنب..دنئ مشوش للافكار)
– يا جماعة ونبى…ونبى

+هدوء……..                       مححححححححححححححححححححكمة

يافندم فى اية !! طيب حد يقولى فى اية؟ اية الناس دى والله ماعرفهم ؟  حد يرد عليا.

= ماتكلمش الا لما يطلب منك الكلام والا تعرض لعقوبة تعطيل سير الجلسة, كفاية ماهو منسوب اليك, ملفك مش ناقص حاجة تانى.
– ايييوااااا…اية اللى انا عملته بقى؟ هه؟ هو اييية ونبى؟ طيب والله انا ماعارف انا عملت اية؟ اخر حاجة فاكرها الاب والنسكافية, اصحى على عساكر زرق, محكمة, قاضى لافف على كتفة سلك نت ومش عايزنى اسال. انتو مين يا جدعان ولا انت مين ياعم انت؟

= اممم دى سخرية !! انت بتسخر يا سئيل؟

– حتى حضرتك كمان بتقولى يا سئيل؟ طيب لية؟ ولو سئيل اتشد واتحاكم؟  على كدة لو دخلت السجن هلاقى مين جوة…الخليل كوميدى؟

= طريقتك دى انا عارفها كويس وهاحسبك عليها بس بعد النيابة…النيابة تتفضل.

* يا سيدى القاضى يا حضرات المستشاريين قضيتنا اليوم- قضية هذا المتهم الماثل امامكم – لهى اشد قسوة من الايذاء الجسدى واكثر إيلاما من توابعة هذا السئيل اساء الى مجتمعة ومشاعرة عندما مرح وهرج ومرج و ضر….

– مرج؟

= اسكت ياسئيل ودة اخر تحذير ليك, النيابة تكمل…..

* يافندم مانحن بصدد الان لا حاجة لقول قائل فية فها هو امامكم وبفعل ذنوبة وفى قفص الاتهام مازال ينشر فعلة ويتباااااااااااااااهى به وسط الجموع بل ويتسائل !!  هاهو يتسائل عما فعل كالقاتل المختل عندما يقتل ثم يحاول انقاذ قتيلة من الموت, هــــذا العتوووووويد

– لا والمصحف دى اسفاف..دة كدة اسمه اسفاااف وكيل نيابة يقف يشد نفسه اوى ويرفع صباعة ويقول على انا عتويد وسط المحكمة يبقى دى اسفاف.

= حبس24 ساعة للمتهم.

– هار اسود!!

= النيابة تكمل.

* يا حضرة القاضى يا حضرات المستشارين عن اى شئ نتكلم ؟ وعلى من يترافع ؟ دة قاتل بدم بارد..المتهم يبدء يومة صباحا وبصفاء ذهن يمسك اداه القتل موبيلة ولا يتركة الا عند النوم حاصدا, سافكا بمئات من الجرحى والمكسورين باسفافة واعتراضة عليهم. قفش وضحك ومألسة و…
– هههههههههههههههههههههه ويمين بالله مألسة دى من وكيل نيابة لوحدها نكتة.

= حبس 48 ساعة اخرى تنفذ بع
– هههههههههههههههههه ياباشااااا 48,,,48 هى القفشة الحلوة بتتعوض طيب ويمين بالله دة اسكتش مش مرافعة, قول ياملاح قول.

* ها هو ها هو سيدى القاضى اعتراف افعالة على نفسة لا تحتاج منا لدلائل او براهين سيدى القاضى, دة واحد بيعترض على المجتمع بيسف على المجتمع والناس والدنيا كلها بل ويبوع باعتراضة ومخالفتة للمجتمع والناس ولهذا سيدى القاضى اطالب بتوقيع اقصى عقوبة على السئيل حتى يصبح عبرة لمن يعتبر او تثول لة نفسة ان يحذو حذوة وشكرا لسعة صدر المحكمة.

– الكلمتين دوول بقى كانو من قلبك ولا من طي
= السئيل مايكلمش الا لما اسمحلك بالكلام؟

– لا تمام, تمام قلبه ولا طيات الورق بسئل بس.

= بردو غير مسموح لك الكلام الا بأذن منى. دفاع المجنى علية يتفضل..عايز تقول حاجة؟

// سيدى القاضى حضرات المستشارين اولا احب ان احى محكمة الورلد وايد ويب الموقرة على سعة صدرها واشكر ايضا عضو النيابة المنتدب عن نيابة امن “دووت جى اوو في” العليا على فصاحة قولها..وبعد

سوف اقدم بعض الدلائل والبراهين على ما حدث بالفعل…اتفضل سيدى القاضى هذه عينة مما كان فـــ

= اتفضل !! اية دة ؟ حضرتك جايب دليلك على اندرويد ؟ اتفضل يا استاذ حضرتك تعلم جيدا ان المحمة لا تاخذ بشهادة الاندرويد لسهولة اختراقة وفيرستة..المحمة تقبل فقط الا او اس

– لا انا بقول نديلو فرصة يجيب اللى عندو انا شايف معاه سماعات ابل كابى اوريجنال حلوة اهى, بكام دى يا عم؟

= المحكمة مش فاهمة السئيل يقصد اية

– اقصد اية ياباشا…على الحرام فى بطظاية بتتحرق فى التكيف هنا وهى اللى عاملة فينا كدة, لو فوقنا بس كدة وهوينا المكان لاهانبقا زاى الفل..هو بيطلب خيال علمى انا عارف.

= انا مش فاهم طلبك, السئيل يسكت خالص لحد مايجى دورة…واستاذ ال تى تى بى يتفضل

// اووو اة طبعا طبعا سيدى القاضى اعلم….فقط ضيق الوقت منعنى من تجهيز الدلائل على المنشودة واوكد صحة ما لدى وهى فقط للنظر واطلب التاجيل لارفق المرة القادمة الدلائل بالاى او اس.

= امممممم طيب سيب الدلائل هنا وكاتب الجلسة يثبتهم فى محضر الجلسة لحين احضارك لما طلبناه…اتفضل
* اطلب الكلمة سيدى الرئيس.

= النيابة تتفضل.

* دة سكرين شوت لبوست قام فية السئيل الماثل امامكم بنشر احدى جرائمة البشعة على النت عبر صفحتة الشخصية اتفضل سيدى القاضى اتفضل شوف واقرا بنفسك.

= هم بست ش ش ب امممممم…تمام تمام

* زاى ماحضرتك شوفت يا فندم وياااااا اسفاة بعد ماسرفرنا الحبيب اواة واعطاه ماليس متاح للكثير وهو شرف التواجد على ارض نتنا الحبيب, وهو رضيعا, صغيرا, ينقر باصبح واحد على الكى بورد, جحد و تعدا بالسف والتأليس والمعارضة على قوانين النت العادلة بل وعارض وعبث ايضا بامن المواطنين شركاااااء السيرفر وبهذا اكتملت علية اركان الجريمة وحق علية وفقا لقانون الزيرو 3سبعااااااااات 5000 لسنة 2006 الحكم علية بالاعدام شنقا.

– اجنوووووووور, لا ايية اصدى احيييييية اييية لا سيد القاضى ثوانى بقى, لا والمصحف لاتثوانى الراجل دة متفيرس ولا انا اللى هنكت ومش فاهم ولا اية؟

= المتهم لو عايز يقول حاجة يتفضل, بس بالتوضيح ومباشر بدون مواربة.

– الحمد لله. وطالما فرصتى فى الكلام بقى وطمعا فى سعة صدر حضرتك احب افهم الاول قبل ما ارد, واول حاجة عايز افهمها امازون اللى ورا حضرتك على الحيطة دى, اية؟ وفى ضحكة ادتنى 24 ساعة سجن والرجل دة تحت المحكمة على يمينك قام قال محكمة واعد ماسبش الشات من ايدو….ياباشا اقسم بالله انت لو حدفت علية مطرقة سعتك دى ماهياخد باله؟

= يا سبحان الله تواجة اقصى عقوبة وبتتكلم فى مالا ينجيك..امازون رمز العدل والمساواة فهو لا يبخس حق احد وهو رمز العدالة…

– عدالة..والراجل اللى تحت دة؟

= حاجب المحكمة بيسجل الجلسة, حتى تكون متاحة ليك وللجميع على الواتس اب. وعندك سؤال فى القضية او حاجة عايز تقولها ولا لاء؟

– عندى اللى اقوله بس ماعنديش دليل ؟

= اتفضل.

– ياريس انا كونت بتكلم جد, لا انا بهظر ولا بسخف على حد.

= هششششششششش هدوء فى قاعة المحكمة ماحدش يتكلم الا باذن هدووووووووووء…..يعنى اية انت بتتكلم جد دة انكار للجريمة !!

– يا فندم انا كونت فعلا بكلم جد مش بهظر ولا بتسائل على حد انا بضحك لانى مش محتاج احزن, حاجة كدة مسكنة للالام بضحك من الاعتقادات الغلط لما تكون فكرة بضحك على الخوف, بقول اللى فى نفسى على اى حد على الاوفر والكذاب والمتواطئ والمنافق..رأى لانا برميك بية ولا قاصد ازعل حد انا ممكن اعيش معاك رغم اختلافك عنى بالضحك بس لو انت ماعندكش طريقة للتعايش باختلافى معاك تبقى المشكلة فى فكرتك اللى مافهاش طريقة للتعايش مع المختلف.

سيدى القاضى حضرات المستشارين النيابة الموقرة حتى الراجل اللى اتنى من الكتابة دة حد يقولى اية الاختلاف اللى يعاقب علية القانون اية الاختلاف المسموح بية احنا بنحاسب بعض على عالم وهمى مش موجود اصلا, فعلا النت ممكن يجيب اعدام, لا شوفت ولا عرفت والدليل برنت اسكرين

= طك طك طك طك هدوووووووووووووء كل واحد يقعد مكانة مش عايز كلام فى الجلسةهدوووووء والا هاوقف الجلسة لحين اخلاء القاعة

– سيدى القاضى الرسل بس اللى رسالتهم بتكتمل بتكاملهم احنا بشر كمالنا فى اختلافنا. ولو كلنا بنحارب عشان نحسن العالم دة, خلينى انا احارب الحزن…مش عارف يمكن اوصلها ازاى بس رايك مشاعرك تعبيرك تفكيرك اختلافنا فيهم هو سر وجودنا ومعنى الانسان. مش عارف !!!

شكرا…شكرا يا فندم على سعة صدرك

نزثقختلرزشثخرهلزثدختاعرودشهرزهعد-ؤشاااااااااااااااااتل دؤنلزنؤثؤ

= هدووووووووووء الحكم بعد المداولة روفعت الجلسة.

مححححححححححححكمة

-بسسس, بسسسسس, استاذ استاذ لو سمحت, اة ايوة, ثوانى بس…. ونبى يا مولانا الله يخليك انت كتبت كل حاجة ولا اية انا مش عارف انت كنت بتكتب ولا بتشات ولا اية.

+ كتبت يبنى وكلة متاح للجميع.
– والله صعبان عليا يا مولانا مش تقولهم يجبولك بى سى ولا لاب حتى بدل الموبيل اللى مراذينك بية دة

+ قولتلهم يبنى لما لسانى دلدل بس الميزانية لا تسمح والمخصصات لاتكفى.

– هار اسود احنا وصلنا للقرن 23 واخدين معانا نفس الميزانية.

+ بس بس المحكمة داخلة….

مححححححححححححححححححححححححححكمة

= بعد سماع النيابة واقوال الدفاع والسئيل وبعد الاطلاع على الادلة وعلى احكام القانون والمواد المنصوصة فية ولما رأينا من صدق قول السئيل وحسن نيتة ونظرا لعدم صحة الادلة وعدم ثبوتها وكفايتها حيث انة من غير الكاف الاعتماد فقط على قولا منقولا اورأيا منسوبا فى اثبات الجريمة على اى سئيل وان كان رأي رافضا لشئ صحياحا فقد قررت المحمة الاتى

1-براة السئيل من كل التهم المنسوبة الية واخلاء سبيلة من المحكمة.

– الله اكبر يحيا الامازون يحيا الامازون.

هدوووووووووووووء

2-الزام المجتمع بدفع تكاليف المحاماة وتحميلة تكلفة ما ترتب على اهدار وقت المحكمة فى نظر قضية سخرية وتقويلها كقضية راى وان لم يوجد ما ترتب عن أى من الاثنين من ايذاء او تدمير او خراب.

3-رفع الدعوى للمحكمة الدستوريا العليا للنظر فى سلامة قوانين الحياة الافتراضية, والنت, ومابها من احكام التقيد والسجن وتحديد الاقامة وايضا كل قانون يتخطى بحكمة حجم العالم الافتراضى.

رفعت الجلسة………

فهرس المحتوى

(-) دة المتهم             صفحة 1 – الى صفحة 5

(=) دة القاضى          صفحة 1 – الى صفحة 5 باردو (ياسبحان الله)

(*) النيابة                 صفحة 1 – الى صفحة 3

(//) المحامي            صفحة 2 – الى صفحة 3

(+) كاتب المحكمة     صفحة 4 – الى صفحة 5

بقلم: حمادة الحسيني

 

شاهد أيضاً

 علماء البيئة في مجموعة "بيلونا" يشيدون بشفافية شركة روساتوم في مشروع محطة الطاقة النووية العائمة.. بقلم: منير .. موقع مقال

 علماء البيئة في مجموعة “بيلونا” يشيدون بشفافية شركة روساتوم في مشروع محطة الطاقة النووية العائمة

بقلم: منير  الجولة التقنية وحدة الطاقة العائمة نظمت مؤسسة الطاقة النووية الحكومية روساتوم جولة تقنية في …