(تفاؤل) انا تعبت وزهقت ليه يارب؟ #لهجة_مصرية

بقلم: باسم كمال جورجي

كلام المتذمر من قدره

ليه يارب ! اشمعني انا ! ايه ذنبي؟ انا تعبت ! انا زهقت. انا مليت من كل حاجه  انت مش حاببني انت سايبني! طيب خلقتني ليه ؟ انا عارفك تقدر طيب ليه ماتعملش معايا كذه ؟ ولما اصبر ! ايه الفايده انك هاتجيبلي الحاجه دي بعدين وانا محتاجها دلواقتي ؟ ده املي وحلمي بسيط جدا وانت اكيد يارب عارف. ليه ماتحققتوش ! مش انت خالقني ولازم تهتم بيا ؟ هوا مش برضو انا ابنك وانت راعيا ؟
ليه سايبني كل الوقت ده اعافر وحدي؟.

صحيح انا خاطي بس انا انسان – ممكن اغلط ممكن ابعد – ممكن انساك – ممكن اتغير عليك لاكن انت الله القدوس قادر علي كل شئ
ليه ماتخلينيش اوصل لهدفي ؟ وانت بأشاره واحده منك تقوم الاموات من القبور ؟ ليه يارب ليه؟.

رد من يعرف قدرة ربنا

ببساطه كده انا اقولك : لو حاجه تعبت فيها عمرك ماهتفكر انك تسيبها بسهولة او تهملها وما تهتمش بيها حتي وان كانت مش نافعاك
هاتهتم بيها _ وهتحاول تخليها دايما احسن وربنا مش بس تعب فيك لا ده مات علشانك اتهان_اتخان_اتجلد_اتباع_اتسلم_اتصلب
ف مستحيل يسيبك . ربنا مش سايبك ولا ناسيك بالعكس جداا ربنا بيحبك ودايما جنبك في كل مكان حاميك- راعيك – بيبعد عنك الشر – عينه عليك حتي وان كنت انت بعيد – هوا دايما قريب.

بالنسبه لهدفك وحلمك اللي لسه ما اتحققش وانك مش صابر وعارف ان ربنا يقدربس ليه ماحققهوش انا اقولك انت شايف الصوره من بعيد ومش شايف ايه فيها لاكن ربنا بيأجل هدفك وحلمك عشان شايف الصوره الكامله قدامه فا بيختارلك الانسب – الحاجه اللي هاتفيدك وتنفعك – وما تضركش كل الحكايه انك مستعجل – ومش قابل مشيئه ربنا في حياتك  عينك – اذنك – لسانك – رجلك = في ناس معاقه حلمها بس  تشوف – تسمع – تتكلم – تمشي = انما انت بتقدر تعمل كل حاجه.

تذكير ببعض النعم

تخيل انك اعمي ل 5 دقايق وجرب تعمل حاجه وتلاقي نفسك خبط في في حيط او وقعت ! تخيل انك مابتسمعش وفي حد بيكلمك وانت بتبص عليه ومش قادر تسمعه ! تخيل انك بتسمع ومش قادر ترد! تخيل انك قاعد علي كرسي مش قادر تتحرك وغيرك بيتنطط علي رجليه قدامك ! جرب بس تتخيل وشوف احساسك بالوجع قد ايه ده وانت بتتخيل شوف بقا لو كانت حقيقه كنت هاتتوجع قد ايه كل دقيقه؟.

انك قادر تعمل كل حاجه لنفسك دي في حد ذاتها نعمه من ربنا مميزك بيها عن غيرك فا اقبل مشيئه ربنا في حياتك انت فعلا احسن من غيرك بكتير واشكره علي كل حاجه واصبر عشان تنول مافيش حد بيتولد يمشي + وانتظر وشوف نعم ربنا عليك قد ايه وهاتعرف ان فعلا ربنا بيحبك وخايف عليك – بس انت صلي واطلبه.
فيسبوك :www.facebook.com/pasem.kamal56

بقلم: باسم كمال جورجي

 

أضف تعليقك هنا