كيف تكون مسوق عقاري #لهجة_مصرية

بقلم: محمد عباس

التسويق العقاري

نتطرق اليوم لمجال من أهم  المجالات فى سوق  العمل الا وهو التسويق العقارى والمكسب فيه مش ربح بس لا فى كمان  جوانب انسانيه على سبيل المثال واحد بيته وقع ومحتاج سكن يسكن فيه  او شاب عايز يجوز وامكانيته مش مساعده انه يلاقى شقه او ازنق فى اقرشين ومقدموش الاانه يعرض شقة او عقاره للبيع الخ الخ  فكل اصحاب هذه الامثله محتاجين مسوق عقارى يكون ليه حنكه  فى هذا المجال يخلصهم  من ازمتهم واليكم النقاط اللى حنخوض فى شرحها

  1. المكان
  2. المدير
  3. من داخل المكتب
  4. من خارج المكتب

المكان

1ـ المكتب

الا هو المكتب او مكان النشاط بشوف سماسره كتير معندهمش مكاتب سماسرة قهوة طبعا وشغالين بس طبعا فى فرق المكتب بيدى ثقه للعملاء فابتالى عملاء المكتب اكتر سمسار القهوه لو مكنش الناس اللى رياحله عرفينه اصلا بيكونوا قلقين منه خصوصا لو اللى رياحله ستات

2ـ الاسم التجاري

المكتب لازم يكون ليه اسم تجارى يميزه عن اقرانه ويسهل للعملاء الوصول ليه ويكون سبب فى أنتشار سيط المكتب الطيب طبعا

المدير

الا هو القائد او المسئول عن المكان وده ياما بيقى صاحب المكتب او واحد مفوضه صاحب المكتب لادارة المكان وفى الحاله ديه صاحب المكتب المفترض انه ميكنش  ليه علاقه بالمكتب الا فى استلام الارباح لان زى ما بيقوله المركب اللى ليهاريسين بيكون مصيرها الغرق.

وطبعا وجود شركاء فى المكان وكل واحد يبقى مدير مشاكله كتير ودائما المكان بيتهى بالخلافات والفشل كل واحد عايز يثبت انه افضل من التانى ويتحبب  للناس اللى شغاله معاهم  ويحاول يبقى ليه انصار مهم ويطلع القطط الفاطسه فى باقى الشركاء او فى شركه الاخر (وغالبا مكاتب العقارات بتبقى اثنين شركاء بس بالمناسبه )ده غير الخلافات فى اتخاذ القرار ده عايز ينزل اعلان فى الوسيط وده عايز ينزل اعلان فى أولكس أو عقار ماب وكل واحد حيكون ليه منهجه الخاص بيه وعايزه يطبقه او خلاف لمجرد التشبس بالرأى ومهو شريكه راسى برأسه الى اخره.

والمدير لازم يتحلى بصدق ومنهج المكتب عمتآ تحرى الصدق المسوق العقارى او السمسار ما ينفعش يكون كداب او المنهج اللى شغالين عليه قول للعميل حاجه والحقيقه حاجه تانيه يعنى على سبيل المثال السكرتيره تقول للعميل الشقه فى الزمالك والحقيقه فى بولاق ابو العلا وبتبص على الزمالك حتى لو العميل اتحرج انه يسترد رسم المعاينة مش حيدخل المكتب تانى او المدير يقول للعميل العقار مرخص وساعة الجد يكتشف ان مفيش ترخيص او العقار عليه مشاكل طبعا حيتضحله ان ده مكتب نصابين او مدير المكتب يجهل الشغل بالعقارات

من داخل المكتب

يتكون المكتب من:

  • داتا
  • وموظفين
  • ورسم معاينه
  • وعموله
  • ومرتبات
  • وجزاءات
  • صفية الأرباح

الداتا

وهى البضاعه المكتب الشقق اللى المكتب بيشتغل عليها وطب ديه بنجبها الذاى ياما بعلاقات مع سماسره او بوابين  أو أهل الحى المجاورين للمكتب اللى عنده شقه بيجى يعرضها فى المكتب او مطلوب فى الوسيط او النت (بعمل اعلان بقول فيه مطلوب شقق ايجارقديم او تمليك او قانون جديد او اراضى زى منتا عايز)وطبعا غنى عن التعريف ان تاج اى مكتب عقارات عمائر الطوب الأحمر وهو دور المدير بينزل على العماير ويتعرف على المقاولين ويعرفهم بمكتبه ويعمل معاهم شغل

 الموظفين

وهما:

  • سكرتيرة
  • ومندوب
  • وعامل بوفيه

 السكرتيرة

وديه اهم حد فى المكتب وأخطرهم طب دورها اه يتذاكر الأعلان اللى نازل كويس (بوجه خاص) بالأضافه انها بتذاكر بقيت الشقق بوجه عام بس ديه مش مشكله اوى لانها بالمماسه بتحفظهم  العميل بيشوف الاعلان بيتصل بترد عليه ممنوع مانعا باتا انها تدى العميل عنوان الشقه ممكن تقله  قريب من كذا زى مثلا قريب من محطة المترو او االفرجانى وفى الوقت نفسه تحلى الشقه فى عنيه.

وطبعا بتفهمه ان فى عروض كتير فى المكتب تناسبه ده لو فى يعنى بجد هههههه اول مكسب للمكتب أن العميل بسلامته يشرف الشروط التى يجب توافرها فى السكرتيره مؤهل متوسط على الاقل  احنا متفقين أن مهنة التسويق العقارى مهنة كلام وذكاء فامن الشروط المطلوبه فى السكرتيرة اللباقه الذكاء سرعة البديهة  النشاط وكل مازاد العلم فى السكرتيرة كل ما المكتب كان نجاحه اكتر او خراب صاحب المكتب كان أقرب (هههههه).

السؤال اللى بيطرح نفسه هى أخطر حد فى المكتب ليه؟ لأنها أكتر واحدة فى المكتب عارفه الدتا  وهى اللى بتعمل أعلانات  على السوشيال ميديا واكتر حد بيتكلم مع أصحاب الشقق والعملاء والسماسره والثقه فيها من جانب هؤلاء بتبقى أكتر من المندوب لاعتبار انها بنت او ست والناس عمتآ ثقتها فى الست او البنت بتبقى أكتر من الشاب

المندوب

ده اللى بيفرج العميل على الشقه ولازم على الأقل يكون مؤهل متوسط لأن شغلته مش شغلت مواصلاتى لا دوره بيعتمد على الأقناع وسرعة البديهة طب بيعمل اه؟ بس ياسيدى بينزل مع العميل بيتعرف عليه بيحاول يصحبه طبعا بالعقل طبعا لازم يكون متكلم وحسن المظهر دمه خفيف ولما يوصلوا للشقه بتكون مرحلة التعارف خلصت والشغل على الشقة يبدْى المندوب بيحاول يجمله الشقه  زى الشقه قدمها حديقه سعرها بالنسبه لأسعار المنطقه لقطه او الموقع تجارى والموقع هادى على مواصفات كل واحد  طب فى حالة عدم اعجاب العميل بالشقق اللى شفها أعمل اه؟ افهمه ان فى المكتب فى عروض تانيه او حشفله طلبه والسكرتيره حتتصل بيه فى خلال يومين حتعرض عليه شقق مناسبه ولما يرجع المكتب يبلغ السكرتيره باللى حصل

العامل (البوى أوفس)

وده طبعا معروف بس لازم يكون مؤهل بسيط او من غير مؤهل بمعنى ان يكون أقل من باقى الناس اللى موجوده علشان نضمن ان كل واحد فى المكتب عنده معايشه

رسم المعاينة

50 جنيه او 100 وبعض المكاتب بتنزل 30 و20  وفى من غير فلوس خالص بس الصح ان يكون فى رسم معاينه على الأقل علشان العميل يحترم المكتب

 

العمولة

بتبقى فى التمليك .2.5%وممكن تنزل.1.5% وفى الايجار الجديد شهر اونصف شهر وشهريين من الايجار القديم كله على حسب  ظروف الشقة شقه واقعه ولا لقطه فى كذا عايزها وطبعا ده من أختصاص المدير مش حد تانى

المرتب

ثابت وعموله الثابت يبقى فى حدود المعقول يقدروا يجيبوا اكلهم وسجايرهم وكارت الموبايل يعنى يكفوا حياتهم اليوميه والحذر من اخفاق المرتب لان اخفاق معناه ان الناس اللى شغاله معاك ناس معفنه  وده مرفوض الشكل العام مظهر السكرتيره او المندوب بيدى انطباع على المكتب ويكرهوا المكتب وحيتكتفوا ضد صاحب المكتب وحتلاقى اضرابات وتخليص شقق من وراء المكتب وحاجات كتير انت فى غنى عنها  بالنسبه للعموله اللى حطلعها للمندوب والسكرتيره اللى اتوفقوا فى لمصلحه بتطلع 20%من المصلحه يعنى لو العموله 10000جنيه بتطلع 2000 ويتتقسم عليهم بالتساوى وطبعا البخل مرفوض لازم السيلزيحب المكان ويخاف عليه وميفرطش فيه بسهوله ومش بس الهيبه مطلوبه فى المدير الحنان هو الاخر مطلوب فى معظم الوقت يحسسهم انه اب او اخ كبير ليهم ولو عندهم مشاكل خارج نطاق العمل يحاول يحلهلهم ويقف بجانبهم

الجزاءات

لازم يكون الجزاء رادع جزاء  خصم يومين وممكن فصل على حسب الخطا  وغنى عن البيان احترام مواعيد العمل لايجوز التهاون فيها المكتب ماشى بنظام بيفتح بميعاد وبيقفل بميعاد ومقدرش اشغل الموظف قبل العمل او بعده وبتالى هو كمان لازم يحترم المكتب والمدير مايبكيش على حد  وما يحسسهمش انه فى حاجه لحد منهم واليمشى من نفسه يغور فى داهيه ويجى غيره مينفعش المدير يتصل بحد ويقله تعالى علشان لو رجع مش يشعر انه مندوب او سكرتيره حيشعر انه هو اللى مدور المكتب وحيطنطط وعلى المكتب وعلى المكتب السلام

تصفية الارباح

وصلنا لأخر الشهر  بمع فلوس المعاينات والمصالح واطلع منها مرتبات الموظفين وايجار الشقه والنور والمياه والزباله والاعلانات وكروت الشحن وبخصمهم من الفلوس اللى دخلت المكتب والباقى هو صافى الربح

من خارج المكتب

وفى هذا الجانب سوف نتطرق ل:

  • العميل
  • العقد
  • متابعة العملاء

العميل

العميل قراء الاعلان عجبه اتصل السكرتيرة سحبته للمكتب المندوب نزل فرجه على الشقه وعجبتة بيرجع المكتب ويعرف السكرتيرة وهى بتعرف المدير وتروح مدخلاه ليه المبلغ اللى حيدفعه المدير يعلم انه حيعجب صاحب الشقة يروح طالب من العميل عربون على اساس يربطه ولم العميل رفض يدفع عربون مش معنى ان المصلحة تبوز العميله بتم بالعقل وفى حالة ان المبلغ ممكن يخلى صاحب الشقة يزمزق فعلى المدير بالباقتة يخلى العميل يتظر منه تليفون انهارده او بكره على اكثر ويتكلم مع صاحب الشقة شويه والعميل شويه ويبرم ده شويه ويطلع ده شويه وينزل ده شويه وربنا يسهل المصلحة تتم

العقد

وصلنا لكتابة العقد طبعا لو العميل وصاحب الشقة دخلوا المكتب علشان يكتبوا العقد عيب اوى فى حق المسوق االعقارى المصلحه تبوز لانه المفترض انه مسوق صادق حعرف كل تفاصيل الشقة للعميل وبردك عرف صاحب الشقه امكانيات العميل قبل ما يقعدهم مع بعض ولو حصل اى مشاده كلاميه بين الاثتنن  وده وارد لان اى حد قبل مابيدفع فلوس فى حاجه بيقى متردد وخايف  فاعصابه بتيقى مشدوده وهنا حرفة المسوق بتبان فالمسوق  المفترض انه بيعرف يتعامل مع الناس ويصلح بينهم على طول والمصلحة تتم

متابعة العملاء

يجب على المدير مراجعة الزيارات يوميا (الزيارات هى دفتر يدون فى دخول العميل المكتب واسمه  وتلفوناتة والشقق اللى نزل عليها ورائيه فيها) المدير كل يوم اخر النهار او بيحدد ساعة فى اليوم لمتابعة الشغل بيمسك الزيارات ومعاه السكرتيره والمندوب ويفتح الدفتر يشوف مواصفات الشقق اللى عايزنها العملاء اللى نزلوا وملضموش فى حاجه مع العلم الشقق اللى نزلوا عليها قريبه من المواصفات اللى عايزنها اه اللى حطتنبق عليهم فى الشيتات (الشيتات هى دفتر الشقق).

وبعدها يتصل يعرض عليهم ويحدد ميعاد للمعاينة فى حالة اتصل بصاحب شقه ورد عليه ةقاله الشقة خلصت المدير بالباقه بيستفهم منه الشقه خلصت الذاى ومنين اللى خلاصها وبعدها بالعملاء اللى نزلوا على الشقه لو لقى عميل من اللى نزلوا على الشقة رد عليه وقاله ان اشترى شقة يبقى المدير ماينفش لحد مايعرف الشقه اللى خلصت خلصت الذاى.

وطبعا اثناء المكالمه بيحاول يقرره بالباقه طب حضرتك الشقه اللى اختها في منطقة اه او يقاله الشقه اللى شفتها معانا شقه حلوه هى ديه اللى خلصتها معرفش يوصل لحاجه يبقى يعمل تحريات من البواب او لو يعرف حد ساكن فى العمارة عرف انه هو اللى خلاصها بيتصل بيه بيحاول يطلع بائ حاجه منه هو  وصاحب الشقه  وطبعا بيفهمهم ان الموضوع مش سهل وبالباقه بيفهمه انه حيعمل مشاكل وان ديه منطقته ومعاه المقاولين والسماسره والبوابين وبردك بيحاول  يعرف خلصها أذاى لو بطؤاطئ مع سكرتيرة أو مندوب أو الاثنين طبعا قبل مايغوروا فى داهيه بيتعلقلهم الفلكه.

بقلم: محمد عباس

 

أضف تعليقك هنا