موقع مقال موقع تواصل اجتماعي يتخذ من المقال وسيلة تعبير وتفاعل، وينتج فيديو عن كل مقال
بقلم نهى هيكل
انا عندى ليك كلام مش على الورق مرسوم ده بقلبى مكتوب
اسمعنى وبلاش تلخبطنى انا ما صدقت قلبى اتكلم
عارف اللى فى قلبك مش محتاجه تقولى ولا حتى بالقلم تكتبهولى
اسمعنى بس وبلاش تقاطعنى انا فى قلبى ليك كلام ما يخطرش على البال
والله انا عارفه وسمعه كمان ده عينيكى حتى سابقه قلبك بالكلام
كل الكلام باين فيهم دى النظره منهم بتحكيهم
قلتلك بلاش تقاطعنى سيبنى اقولك كل اللى باحسه
انا مش قادره اخبى عنك ولا كلمه
الكلام فى قلبى بيتكلم وحده قلبى بينبضه فى كل لحظه
النبضه عندى بكلمه شوف بقى فى الساعه دول كام كلمه
يا حبيبتى من غير ما احسبها حبك شايفه فى عينيكى واحساسك بيا اهو بين ايديا
ده كفايه حضنك ده عندى بمليون كلمه
حبك سابق كل نبضه من قلبك باين فى كل دمعه بتحاولى تخبيها عنى
كل كلام الحب جنب نظره واحده منك يموت على السطور والحروف تغير منك
خلصت كل اللى عندك ماسمعتش كلامى خلتنى انسى كل الكلام ومعاه نستنى نفسى
بحبك … كلمه كتبها قلبى ليك بكل الاحساس اللى فيه … دى فيها كل المعانى اللى
كان نفسى تسمعها منى
