إزاى تبني باك لينك لموقعك؟

بقلم: أسامه إبراهيم

الأستاذ Backlinko

الراجل Backlinko بيقولك حاجة ظريفه خالص بيقولك (لما تيجي تبحث عن الكلمة المفتاحية حاول انك تشوف الترند بتعها فى أنهى شهر وحضر للموضوع قبله ب3 شهور.)

كيفية استغلال موضوع ترند

بمعنى لو فيه كلمة ترند فى شهر 5 حضر لها من شهر 2 موضوع من 3,000 الى 4,000 كلمة (هتقولى كتير هقولك لا جوجل واليوزر بيحب كدة هتقولي العرب مش بيحبو القراءة كتير، هقولك نظم موضوعك وخليه مشوق وخلى العناوين الرئيسية زى دليل لما الزائر يعمل سكرول للصفحة ويكون بيدور على حاجة معينة يلاقيها على طول).

جهزنا الموضوع طيب لازم الواحد يكون مجهز برضو حملة الـ Backlinks بص يا سيدي انت قدامك طريقين:

  • الطريق الاول: الـ GuestBlogging او الـ GuestPost
  • الطريق الثاني: الـ GestGraphic

الطريق الاول: الـ GuestBlogging او الـ GuestPost

لو هتشتغل على الطريق الاول هتحتاج جهد شوية لانك فى خلال الـ 3 شهور دول لازم تكون كتبت 150 موضوع على الاقل وكل موضوع لا يقل عن 1,000 كلمة، يعنى احنا بنتكلم فى حوالى 15,0000 الف كلمة، الرقم كبير بس لو مشيت على الخطوات اللى جاية دى واحده واحده هتظبط معاك الدنيا.

بص يا برنس انت كل اللى انت هتعمله هتكتب يومياً 1700 كلمة، طبعاً هتقسمه يعنى 1,000 كلمة لموضوع، و الـ 700 لموضوع اخر وهكذا يومياً لمدة 3 شهور 🙂 وطبعاً هذا لا يجب ان يأخذ منك سوى 2 ساعة يومياً فى الكتابة لو جينا حسبناها فى 3 شهور هتلاقى ان الـ 90×1700=153,000 يعنى اكبر من الرقم اللى احنا طلبينه تمام.

انت رايح فين لسه احنا لسه مخلصناش! خود هقولك بس متخفش الموضوع بسيط! انت هتروح تكلم مواقع زى مدونة المحترف للمعلوميات وأراجيك ومواقع مشهورة شبها وهتحاول انك تنشر عندها مواضيع (طبعاً كل مجال ليه مواقع متخصصه فيه اوعى تنشر فى مواقع مش متخصصه فى مجال موقعك هتتضر).

هياخد منك الموضوع يومياً 2 ساعة برضو بس هتطلب منهم انهم يفتحو حساب ليك فى الموقع بحجه انك هتزود معلومات مستقبلاً 🙂 فى الموضوع (هتعمل Update كل ما يبقى عندك معلومات جديدة).

وبس يا سيدي بعد 3 شهور من الشغل هتنشر موضوعك اللى هو عايزه يمسك كلمة معينة فى جوجل هتروح عند المواقع اللى انت عملت عندها مواضيع دى هتعدل على المواضيع وتحط لينك لموضوعك على الـ Keywords اللى انت بتستهدفها او الكلمات المشابها ليها.

مثال على كلمات مستهدفة من ضمن الترند الـ Keywords

زى مثالاً لو بتستهدف التخسيس ممكن تبنى على كلمة (تخسيس – التخسيس – انقاص الوزن – دايت … إلخ) (لاحظ ان قولت فى بداية البوست ان البوست ده للناس اللى بتستهدف كلمات عليها السيرش عالى) وبكدة ياحج بقى عندك 150 Backlinks تضرب بيهم اى موقع وتطلع انت فى السيرش ومن مواقع كبيرة كمان مش اى مواقع وكمان فى مكان مميز (المحتوى نفسه) + المواقع اللى انت نشرت فيها اكيد هتعمل شير للموضوع بتاعك اللى انت نشرته عندهم فى الموقع تخيل بقى الموضوع ده اخد 20 Backlinks و Social Signals بالهبل تخيل كمية الاثورتى اللى هتمررلك عن طريقه حاجة فظيعة لا داعى للتخيل.

الطريق الثاني: الـ GestGraphic 

تعالى بقى للطريق التانى واللى بعتبره اسهل شوية لان الشغل كله هيبقى بالفلوس لان فكرته انك هتعمل InfoGraphic وتنشرها على المواقع الكبيرة وطبعاً هتحط حقوق الـ InfoGraphic تخيل كمية الـ Backlinks وهيكون الموضوع اسهل بكتير ليه بقى لانك هتكتب بدل 1000 كلمة لا 300 او 500 كلمة بس وبعدين تقوم حاطط الـ InfoGraphic بالحقوق 🙂 طبعاً هتطلب منهم ان يكون عندك حساب فى الموقع علشان تعدل على الموضوع من وقت لأخر 🙂 واول ما تنشر الموضوع بتاعك تخش تقوم معدل الموضوع على طول وتحط لينك الحقوق لموضوعك بس هنا هتكسب عدد Backlinks اكبر لانك هتستهدف مواقع اكتر 300 موقع على الاقل 🙂 هتقولى مش بالعدد هقولك مش بالعدد فعلاً بالجوده يا حج فتخيل لو اقدر استهدف بقى مواقع جودتها عالية بعدد اكبر اكيد هيكون افضل من ان استهدف 20 🙂

بقلم: أسامه إبراهيم

أضف تعليقك هنا