النقاب امر شاذ

 

انا عارف انه موضوع متكرر واتكلم عنه الإعلام كتير جدا حتي الناس في الشارع بتتكلم عن حظر النقاب والشباب والمساجد كل العالم يغنى حظر النقاب وكمان ناس كتير بتسخر من النقاب و بتتريق عليه ؟ بس مش موضوعنا انا جاي اتكلم عن حظر النقاب مع انه موضوع متكرر كتير اوي وهنعرف في السطور الجاية هو لية موضوع متكرر …. تعاله  بص تحت كدة في السطور الجاية مش تحت رجليك …..

 

هنا في سؤال بيدور اوي في ذهني ؟

واكيد السؤال دة بيدور في ذهن ناس تانين من المؤيدين لحظر النقاب والمعارضين لحظر النقاب ….؟ السؤال هو لية الموضوع واخد ضجة كبيرة كدة وكلام كتير وهرتله كثيرة …؟ هل الاجابة هنا علشان الجرائم كثرت بسبب ارتباطها بالنقاب ام علشان الستات اللي بتلبس النقاب أصبح باعداد كتيره جدا ..ام بسبب غض البصر كدليل ديني

… طبعا هنا الموضوع محير جدا بس ممكن نرجع بالزمن لوراء هل انتشار الدين الإسلامي بالنقاب ؟.. انا بصراحة كنت لسة متولدش علشان اعرف في ذلك الوقت من الزمن اللي هو طبعا بداية انتشار الاسلام وقبل انتشار الاسلام هل يوجد نقاب …. انا عندي إجابة و هيه طبعا مكنش يوجد نقاب في ذلك الوقت …؟ انت بقي جاي هتتكلم عن حظر النقاب وتتناقش هنتناقش فية باسم الدين طبعا صح مش باسم ايات قرانية او  احاديث ..؟ لالالا مين قالك اني مش هتكلم باسم ايات قرانية واحاديث ؟ انا هجبلك دلائل قرانية واحاديث من الدين الاسلامي ….؟ طيب وبالنسبة للناس اللي بتقول ان النقاب دين يهودي ..؟ برضو دول عندهم دلائل في الدين اليهودي …علي العموم انا مش عايز اخلط الامور في بعضها لانه موضوع معقد جدا … واخد انتشار رهيب في الساحة عن طريق الرغي والفتاوي الكثيرة ….

 

النقاب ايام جدتتي

وايام جدتي وجدي مكنش موجود النقاب بكثره كان قليل جدا مش علشان مفيش تعليم ديني لالالا الدين موجود في كل العصور بكثرة شديدة  او مش علشان مفيش تليفزيون وتقدم زي دلوقتي وان اي شئ عايزة هتجيبة وتقراء عنه لالالا ماهو زمان برضو كانت الناس بتقعد ترغي في اي شئ وتتكلم والكلام بيتنقل ودة بيسمع ودة بيقول وهكذا انا حبيت بس ابص بعين أوسع هل جدتتي كانت بتلبس نقاب انا شايف ان كل ستات زمان مكنوش بيلبسوا نقاب نهائيا االا عدد قليل جدا جدا ودة دليل علي ان النقاب اصبح شئ مستحدث وليس قديم القدم …….

الاعلام والنقاب

انا كنت بسمع برنامج وائل الابراشي وكانوا بيتكلموا عن حظر النقاب من الناحية الاجتماعية … تعالو نشوف اضرار النقاب من الناحية الاجتماعية وايضا فؤائدة من الناحية الاجتماعية …كانه أمر اجتماعي في مجتمعنا ….؟

من أضرار و فوائد  النقاب في المجتمع ؟.

1- التخفي

ايوة فية ناس بتحب تخفئ نفسها عن عيون الاخر ازاي بالنقاب يعني تخفئ ملامح وشها اللي ممكن تكون حلوة وممكن تكون وحشة وممكن يكون راجل وعامل ست طبعا ..؟ بس لو قسمنا النقاب من ناحية التخفئ هنلاقي نسبة كبيرة من اللي بيلبسوا النقاب شحاتين ؟ بيستخدموا النقاب للتخفئ بحيث محدش يشوفهم او يعرفهم علشان يشحتوا ممكن يكونوا دول اغنياء بس بيحبوا يشحتوا ويضحكوا علي الناس ….وايضا هنلاقي نسبة كبيرة من اللي لابسين النقاب ستات بتخطف الاولاد …؟ وكمان نسبة كبيرة من اللي لابسين النقاب ستات بتوع دعارة وبيلبسوا النقاب علشان محدش يشوفهم … يبقي النقاب له اضرار لا تعد ولا تحسي كتيرة جدا جدا …

2- الجرائم

طبعا زمان كانوا بيخبواء وشوشهم بالشرابات علشان يسرقوا او يقتلوا او يخطفوا دة كان زمان بدرجة ان الجريمه مكنتش بتم بالطريقة الصحيحة كانت الجريمه بتفشل بسبب اختباء ملامح الوجه …؟ لكن دلوقتي المجرمين ابتكروا طريقة احدث وهيه النقاب لانه بيخفي ملامح الوجه نهائيا فاصبحت الجريمه في تزايد بسبب ابتكار الطريقة دي وهيه النقاب …

4- غض البصر

مين قال ان النقاب بيمنع ان الراجل يتحرش اذا كان لفظي او جسدي ؟ بالست معلش يعني انتي بتخفئ ملامح وشك وسايبة الاجزاء المتلاحمه فالملابس وظاهرة مفاتن باقي جسمك ازاي بالعقل …دة انك تخفي مراخيرك وتظهري عيونك دة العيون بتجيب شهوة ….؟ دة لو انتي لابسة علشان تغضي البصر وسايبة باقي جسمك ….

5- اظهار الهويه

انا مش بعرف شكلها اية يعني لو حصل حادثة وملقوش بطاقتك في الحادثة وانتي لابسة نقاب وعايزين يعرضوا جثتك علي حد علشان يعرفك ونفترض ان اهلك بس هما اللي يعرفوك طب نفترض اهلك معرفوكيش شكلا هيجيبوا جيرانك او زميلاك او في العمل علشان يشوفي انتي مين …؟ ساعتها مش هيعرفوكي لانك كل ما بتخرجي مخبية وشك وشك وشك …

6- النقاب هو الدين

النقاب مش هو الدين … لو اثبت ان النقاب مرتبط بالدين يبقي الناس هتكره الدين عارف لية علشان ؟فية ستات بتستخدم النقاب في الشحاته مممكن تكوم مسيحية اويهودية وقاعدة لابسة نقاب وبتشحت يجي واحد تاني يقول شايف المسلمين بيشحتوا …؟ سيبك من كدة ممكن تكون بتمارس الرزيلة وبتتصور فيديو ولابسة نقاب وحد اتفرج علي الفيديو هيقول شايف المسلمين بيعملوا اية فالحكاية ان النقاب بلاش تربطة بالدين علشان لا يسئ للدين يعني متقولش ان الدين الاسلامي فرض النقاب

7- موضعه وفشخره

فية ستات واخده النقاب موضه اة والله موضعه وفشخره بتتفشخر بية لابسة كدة مظهر علشان الناس تحترمها زي الراجل لللي بيلبس بدلة علشان الناس تحترمه الحكاية اننا مجتمع مظهره بيحب يتمظهر وبياخد الناس من ملابسهم …

8- مش هتتجوزي

لو فاكرة النقاب هيجبلك عريس يبقي مش هتتجوزي ماهو من حقة يشوفك … اة هو هيروحلك البيت علشان انتي لابسة نقاب ماهو شايفك مظهر احترامي ايوة مظهر احترامي من برة …. وهيروحلك البيت برجلية وبعدين عايز يشوفك مش هيوافقوا مثلا او هيوافقوا نفترض شافك وندم انه جالك البيت وخرج برة البيت وسألوه عملت اية هيقولهم لالالا دة طلعت وحشة انتشر الخبر في القرية وبقيتي علي كل لسان انك وحشة ومخبيه وشك الوحش في النقاب ساعتها مش هتتجوزي … ماهو انتي شغالة تقولي انا لابسة نقاب ومحترمه اهووو ماهو الاحترام مش باللبس ….. وجارتي اللي لبسة محزق ومكياج وبتتمايع اتجوزت وخلفت ايوة هيه اتجوزت وخلفت لان الكل شايفاها علي عيوبها لكن انتي خافية عيوبك ……

9-بيتحرشوا بينا

هو المتحرش مش فارق معاه نقاب او غيره ماهو انا قولت انك مهتميه بالنقاب ومش مهتمية باجزاء جسمك التانية لابسة ضيق اوي فوق بطنك ولابسة ضيق او تحت بطنك … يام الكل واسع يام بلاش منه بقي …فية نوع من المتحرشين بيقول ان اللي لابسة نقاب مش هتصرخ وتعترض علي تحرشي فبيتحرش براحته بدون خوف فعلشان كدة زاد التحرش بالمنقبات لكن التانية اللي ماشية دايسة في الكل بيخاف منها المتحرش دة ممكن تمسكة تتضربة دة في ذهن وتفكير المتحرش … يعني النسب بين المتحرشين بالنقاب اكتر من المتحرشين بالمتبرجات

10- هناك دلائل في القران

انا عارف يوجد دلائل في سورة النور والأحزاب  بس هنا اختلفوا الفقهاء في تفسيرها حتي المفسرين والعلماء اختلفوا في تفسير معاني تلك الآيات من ناحية النقاب واصبحوا في جدل رهيب بخصوص تفسير تلك الآيات  من اجل النقاب

11- أولاد المشايخ والعلماء

انا بلاحظ ان اولاد المشايخ والعلماء مش بيلبسوا نقاب اللي هما بيفسروا الايات اللي بدل علي لابس النقاب للست …؟ يعني فية حريه شخصية … فعلشان كدة انا اتكلمت بحريه عن حظر النقاب وفسرته اجتماعيا وواقعيا من نواحي كثيرة جدا ………..ومازال الموضوع مثير للجدل

فيديو النقاب امر شاذ

أضف تعليقك هنا