العنوان ملفت للنظر انا عارف انه ملفت للنظر بس فعلا فية ناس كتير فالمجتمع وسطينا كرهت الدين عارف لية علشان الفتاوي الكتيرة اللي بسمعها وعلشان كمان اية الافعال اللي بتنصدر منهم اللي بتخلينا مصدومين ازاي دة بيصلي والصلاة تنهي عن الفحشاء والمنكر ..؟ انا عارف ان كل دة بيدور جوة ذهنك بس العيب في مين في التعليم ام في القانون ام في القلوب ام في الضمير … انت شايف العيب في مين ….

انا بشوف ناس كانت بتفعل افعال اسواء مما تتخيل افعال لا تقاس بالامور الدينيه ابدا ؟ وفجأة الناس دي قررت انها تتغير وتوب وبدات تصلي وتخطط بالاستمرار للصلاة واخرجت من عقلها كل فعل سئ وقررت انها تملئ قلبها بالحب والصلاة والخير فقط وقررت لا تصدر اي موقف سئ في حياتها ؟

انت اكيد بتقابل ناس زي كدة جيرانك او من اصحابك او من زميل عمل …..

وفي نفس الوقت بتقابل شخص كان ملتزم االتزام تام ومازال بيصلي بس للاسف بيفعل أفعال سيئة لا تمثل الدين ابدا ومازال بيصلي ؟ انت هتزعل علي الصلاة لأنه شوه صورة الصلاة مش هتزعل علي الشخص دة لالالا انت هتزعل علي صورة الصلاة والدين نفسه لان فية ناس بتتاثر جدا بالمواقف دي واحنا مجتمع ماشي بعبارة ( السيئة تعم والحسنة تخص ) بمعني لو واحد مصاحب واحد سئ هيبقي التاني اللي مش سئ زي الشخص اللي هو سئ ….؟

فية ناس حللت ان دة امر وارد من الجميع ان فية اشخاص تصلي وتفعل الاشياء السيئة لاننا لسنا ملائكة فانت اللي حاطط صورة كاملة بدون تشويه بان اللي بيصلي دة شخص ملاك وشخص كبير اوي لانه بيصلي ….. انت اللي حاطط الصورة دي

لو انت حاطط العبارة اللي بتقول لسنا ملائكة

مش هتزعل وتتضايق ابدا بالعكس هتبقي متقبل الوضع وكمان مش حاطط في مخك اننا من سلاله قابيل وهابيل يعني انه يوجد بيننا الصالح والفاسد والحاقد والغيور … فالموضوع انك انت اللي مش مدرك كويس لتفكيرك تفكيرك بيقول دة بيصلي يبقي دة صالح الحكاية غير كدة خالص ….

وهناك محللون اجتماعيين ونفسيين بيقول ان الشخص اللي بيصلي ويفعل السوء انه شخص عنده نقص من تجارب حياتية فالمجتمع يعني بيكون ملتزم جدا في بداية حياته وفجاءة يصبح يعيش تجربة التدخين او الخمر او النسوان ا…الخ الخ لان دة بيكون نقص تجاربي في حياته بيحاول يعيش التجربة لان ايمانه بيكون ناقص وليس كامل متكامل ….. والايمان الكامل محتاج مجهود عالي جدا في الحياة لان الحياة تحاط بافعال سيئة اكتر من الافعال الصالحة ……

وهناك ايضا الاعلام

اللي بيجيب فتاوي ناس بتفتي في اي كلام او بتقول فتاوي خاصة بمواضيع حساسة تمس المجتمع والرأي العام ؟ طبعا في ناس مش بيعجبها الفتوي وفيه ناس بتعجبها الفتوي وبتمشي عليها ….فالموضوع ان اللي بيوصلك وبيشرحلك الفتوي بيبقي شارحها بطريقة ناقصة وليست كاملة …..

فالنهاية لا تكره الدين لان الدين واضح وضوحا كاملا فهو لايستحق الكراهيه فالدين بريء من هؤلاء الاشخاص فانا اشجعك ان ترتب افكارك الدينية كويس جدا علشان لا تكره ولا تتضع الدين في ماساءه من اجل شخص او موقف من شخص او فتوي من شخص

فيديو كرهونا في الدين