موقع مقال موقع تواصل اجتماعي يتخذ من المقال وسيلة تعبير وتفاعل، وينتج فيديو عن كل مقال
لكِ الله يامصر، لكِ الله فى حربك ضد عدونا المجهول، لكِ الله يحميكِ، لكِ شعب يموت لتعيشي
الجريمة البشعة
الناس دي بشر زينا بجد ؟؟ تعازينا الحارة لاهالي شهدائنا طبعا مفيش كلمة ممكن تتقال في الجريمة البشعة اللى بقت بتتكرر بشكل يوجع وبشكل يخلينا نسال هما الناس دى بشر زينا بجد ؟؟
الحادثة دى برغم انها ماسأوية جداً الا انها بتبرا الاسلام وبتبرا المسلمين من الارهاب ده لو كان لسا فى حد عنده شك .. انا متاكدة ان الناس دى مش بتتبع اى ديانة لان مفيش ديانة سماوية بتسمح بسفك الدماء بالمنظر ده ولا القتل الغادر بالمنظر ده ..
ليه بقى الدم ببلدنا سهل ؟
احنا بلدنا بقى الدم فيها سهل والسبب الارهاب اللى اخد من كل بيت مصرى مهما كانت ديانته واحد واللى يوجع اننا مش قادرين نمنع ده مش قادرين نحمى ولادنا ولا نحمى وطنا مش قادرين نمنع الموت الجماعى والوجع والحزن اللى بقا كل كام يوم بيزورنا بسبب جماعة معدومة الانسانية معدومة الرحمة.
الإرهاب في بلدنا
الارهاب اصبح الثغرة الامنية فى بلدنا العزيزة احنا بنواجه اخطر عدو فى العالم احنا بنواجه وباء بيزيد بغسيل المخ اللى بيتعمل لمجموعة من الناس فاكرين انهم عندهم هدف سامى يخليهم يقتلوا ناس بتصلى ناس جوا مكان عبادة ناس معهاش سلاح ولا حاولت تاذى ولا حتى بتحاربهم !
ناس رايحة تؤذي فرض من فروض ربنا وبرغم كل الوجع اللى جوايا اكتر حاجة مريحانى انى عارفة ان الناس بتبعث يوم القيامة على الوضع اللى بتموت عليه تخيل احنا عندنا كام مصلى يوم القيامة تخيل احنا عندنا كام شهيد ..!
اكتر حاجة واجعة قلبى اهالى الشهداء ودموعهم وعجزهم وضعفهم انهم مش عارفين عدوهم لانه مجهول الهوية خفى لانه بمنتهى البساطة جبان، لان مفيش حد يقتل ناس بتصلى معهاش سلاح مش واقفة قدامه بتحاربه الا لو كان جبان
ايه اللي انتم عايزينه؟
ايه اللى عايزين توصلوله؟ ايه اللى انتم بتحاولوا تقوله فى تفجيراتكم وقتلكم لناس ابرياء؟ ايه رسالتكم اللى بتدفعوا عنها ايه نجاحكم من موت ناس مالهومش اى ذنب ايه الحق اللى انتم بتدورا عليه؟ استفتدوا ايه من كل الدم ده؟ ولصالح مين انتم ازاى كده ؟!
مين المستفيد من كل الحكاية دى؟ احب اقولكم مش بتضعفونا بالعكس انتم بتزودوا دفاعتنا بتزودوا عدد الناس اللى بتدور عليكم وعايزة تنتقم منكم انتوا بتزودوا عدد الناس اللى ليها ثار عندكم انتم اكبر عدو لينا انتم حربنا الجديدة اللى احنا مش ناوين ابدا نخسرها ..
فيديو مقال وأصبحتِ بالفعل جمعة سوداء
