يوميات الموظف ف القطاع الخاص مقال #باللهجةـالمصرية

فإن كل من يعمل في القطاع الخاص يصبح فريسه لأشياء كثيره ،، فنحن خدامين لقمة العيش ولكن هل هذه لقمه تستحق كل مانراه ف الشغل ، ف تعددت الإداره ولكن تظل السياسه واحده.ّ

نبدأ بما يجده الموظف من زملائه ف العمل

دول عينه منتقاه من اشهر سحن الموظفين اللي بتخبط فيهم ف شغلك :-

” رستم” ده اللي بيوافق ع اي حاجه بيقولها المدير وبيعتبر ان افهاته المحروقه ،، عبقريه.!

“كرتونة البيض” اللي اول مايشوفك يقولك ،، هو انت مش عندي ع الفيس بوك ليه.!

“الباراشوت” اتش ممكن سيجاره ،، بتاكل ايه ،، رايح مصر الجديده بعد شغل..لا..طب رايح فين.!

“الحشري” هو انت مرتبك زاد ، طب نزلك بونص .!

“حماده تسقيط” اللي بياخد باله من مشاكل شغل بعديها ب ساعتين .!

“هاني اليوم السابع” عرفت اللي حصل ،، ميرهان شرشحت ل ابراهيم جوه.!

“المقرف” حد جعان مراتي عملالي سندوتشات حمار بانيه وبيض مخلل.!

“الزهقان” ماتيجي ننزل نشرب سيجاره.!

“حسام هرمونات” شفت شيرين كانت لابسه ايه.!

“رضوى خدمات” مستر أدهم شكلك موز اوي النهارده.!

“اللزج” ده فاقد الاحساس بالمساحات الشخصيه وهو بيتكلم.!

كل ده بنشوفه واكتر وبعد كده تبدأ تخبط ف المديرين اللي بتبقي بالنسبالهم فريسه لبعضهم وليس كلهم ل للقرارات حتي لو قرارات دي مش عجباك مش هينفع تفتح بوقك ولو انت كتبت حاجه ع فيس بوك يتقالك ايه اللي انت كاتبه ده ف لازم تسكت و يا سلام لما يتفتح ترقيات ممكن تلاقي مفتوحه لكل ناس بس لما يختاروا هيختاروا اللي هما عايزينه وبس زي الانتخابات النزيهه كده وده غير انك لازم تمشي بمبدأ الشكوى لغير الله مذله وده حقيقي عشان محدش هيحللك حاجه ، وممكن تلاقي واحد فيهم مراته معكننه عليه فيقفل وشه وعليك وفالح بس يقولك افصل مشاكلك الشخصيه ع جمب ، كام مره اتوعدت بالترقيه ! ، كلمة “انت اللي جاي” سمعتها كام مره .

تعالي بقي نتكلم على المدرين مع بعضهم

تلاقي دايما المدير المحبوب هو اللي بيمشي معرفش ليه أو ايه سبب ايه حكمه ف ان اخلي مدير مهامه تطبيق القوانين ف قبل تبطيق القانون ف روح قانون وتلاقي المدير المحبوب ده وهو ماشي المديرين اللي زيه مكنوش طايقينه وكانوا مستنين اليوم ده ،، وهو ماشي حاسب بقي حفلة تكريم وكلمتين فظاع ف حقه وممكن يقوله قدام موظفين انا مش هسمح انك تمشي !

تعالي بقي لو عملت غلطه

لو انت موظف مثالي ومفيش غلطه عليك وغلطت المره دي ف اعرف انك مرفوض ولو العادي بتاعك انك بتعك ف هيعدولك كتير لحد ما يجيبوا اخرهم منك ..لو انت اترفدت وحبيت تتكلم وتقول ليه وجبت سيرة قانون العمل قول ع نفسك يارحمن يا رحيم .

غير مسموح انك تاخد اجازات زي البني ادمين وتحضر العيد وتقعد مع عيلتك ، يبدوبك ترجع تاكل وتنام مفيش تاني ، انت هتاخد مرتب إلى حد ما كويس بس بالمرتب ده هياخدوا منك كرات الدم البيضا والحمرا بحيث أنك تشتغل 12 ساعه ف اليوم أو لو 8 ساعات بس ف اعرف انك هتشتغل ف البيت لما تروح حتي لو ع موبايل كلام ف شغل ..المهم ان فكرك وحياتك تبقي للشغل وبس ..

الخلاصه هنا انا إتكلمت ع جانب سلبي في القطاع الخاص لكن ف أماكن تانيه بيتقوا فيها ربنا وفي تعامل مع الموظفين وفي مديرين بيعملوا الموظفين وليهم رساله وهدف أن اللي يجي منه يكبر معايا لو انت عايش ف البيئه دي في أنت محتاج تصلي كل يوم ركعتين شكر لربنا ..

فيديو مقال يوميات الموظف ف القطاع الخاص

أضف تعليقك هنا