بقلم: حماد ماادة

تنوية:- اللى جاية دى حاجة مالهاش علاقة -أوى يعنى-  باى حاجة , بس هه يعنى ملمسة كدة وكات لازم تتقال.

هى حاجات كتير أوى فى الحياه قائمة على الاستمرار وتوارث الاشياء. العلم مثلا, الفلوس, الممتلكات, حتى الاشخاص كمان لو من صاحب شركة لابنة. أبسطها لما بنسمع من واحد كبير او نفس سنك نصيحة  او انه يديك رأية من حتت انة عارف اكثر او انة لف وشاف مثلا أو ان خبراتة شيبت شعره و الرصيف اشتكى و..و…و وغيرها من النصايح والحاجات اللى بننقلها لبعضنا او (بنورثها)

بس الفكرة بننقلها ازاى وبنستقبلها ازاى.

البحث عن عمل

بصراحة -او بمقاوحة مش عارف- عمرى ما اديت ودن اوى للنوع دة من الكلام(يمين فى شمال هتلاقية هناك) يمكن لانى بحسها وصفة طريق بيت او كشك عندو بوكس احمر. و بيثقل على ودنى الكلام اكثر لما الكلام يتحول من تفكير فى مشكلتك لحكاوى عن مشاكلة. مشكلتها معايا ان التفاعل الوحيد مع الشخصية دى والموقف دة اننا نقفل باب التفكير ونفتح باب المسلمات ونركن بقى او ننسى ان شخصيات وظروف واجواء وصاحب المشكلة نفسة مختلفين ومش هما اللى كانه فى حكايت سعادتك!! الخبرة لو زاى ما اهلينا ربونا عليها تبقى نورك فى الطريق يبينلك الحفر والنقر والمطبات بس عمرة ما يقولك تمشى فين او تشد وتهدى امتى. قانون وانت حر فى حياتك. انا عايز اقول اية..لاصحيح, واسمحولى اقول الحقيقة كدة بقى..مـــــــا لازم تعرفو يا بنى ادمييييييين.

انا عايز اقول بصراحة كدة وبالصلاه على النبى والحب اول كلامنا انا لانا نوح عشت 950 سنة هاكتبلك تاريخ, ولا ماجلان, ولا انا واخد نوبل هحكيلك اختراع. يا مولانا الحكاية حكاية عبد لله خد نقرة فى دوحضيرة فى خازوق فى فخ ياهتعديهم ياتخدهم وفى الحالتين قلبك دليلك وربنا معاك.

طيب, خلينا نتفق ان المعدل العام لتغير مجال عملك كبنى ادم طبيعى من مرتين ل3 مرات فى حياتك كلها اقل مش معناه جمود اكثر مش معناه تردد انما الاكيد ان معناه فى حاجات حواليك مش طبيعية او متوفرة -ممكن للاخرين مش شرط ليك- لازم تدخلها فى حسباتك. ودة يخلينا نقول على الشغل كالوكشة انه لو يعنى ليك فلوس بس (فالاكثر / الحلال) صراحة تنجزك, ماتشتتكش, وتخليك مستعد للى جاى.

اما لو الشغل نفسة مكون لطموح او مستقبل فخلينا نقول ان بدايتك هى اللى هاتحطك على الطريق الصح او الغلط, تقصر او تطولة عليك..والعبها ماتش كورة ممكن تطلع بره شوية وتنزل تلعب تانى, النهاردة مش تقسيمة النهاردة جم, فتنس, بس كله فى اللياقة وتنزل تلعب تانى خلى طموحك بره الملعب…ولو هو جوة الملعب؟  أجر ساعة و اللعب فيها لوحدك ماتقرفناش عايزين نقول الكلمتين الله يباركلك!!!

الشغيل

الشغل ويا سيدى الكريم, ويالباحث عنة ليس وظيفة الشغل لا يعنى مهنة او عمل بمقابل مادى او حتى معنوى. الشغل اسلوب حياه سواء كنت فية او بدور علية يعنى اللى بيشتغل فهو بيشتغل 24 ساعة وسبحان الله اللى بيدور بيدور بردو 24 ساعة, اما اللى لقى الف مبروك ياخد اخوة معاه ويبقى ريحنى من الهبد. اما اللى مالاقاش ودة سبب اجتمعنا فلازم -اة نسيت- خوش كدة بين القوسين عايزك فى كلمة ثوانى ( المبداء ماعنديش اى مشكلة فى اختلافك معايا فية بس لو وافقت علية وجيت معايا لحد هنا اختلافك معايا بعد كدة فى التنفيذ او الطريقة يعتبر خيانة وطعن من الخلف ويبقى فى مشكلة كدة بينا لان سيادتك وفقت على المبدا اللى علية الفكرة فامتجيش تزمزق وقت ما تشوف الفكرة صح ؟  متفقين؟  ,, ها مكمل ولا اية؟  احنا لسة اهو..بس خلاص تمام اخرج بقى كدة بره القوس وركز معايا عشان الكلمتين دوول فيهم الامتحان)

فاااااا كونا بنقول؟ … اة  ان اللى لاقى شغل لاقى اللى مالاقااااش, بوص كدة.

سيدى الفاضل انت فعلا بتشتغل, لاءلاء مش كلام تنمية بشرية وبص فى المراية وقول انا غنى, لاء انت فعلا بتشتغل بس الفرق واحد فى شركةىبياخد فلوس و واحد حر  لسة مابياخودش ومش عيب ان الراجل مايخودش بالمناسبة يعنى, بالعكس.

انت فى مرحلة اقناع ودراسة سوق العمل بقدرتك المهنية بشكل فعال عشان يتم قبولك فية ويبتدى يديك عائد اللى هى غالبا مابتكون فلوس او فوليسلات (اللى هى حاجة اقل من المرتب تصغير الفلوس يعنى)  انا شخصيا اول ما اشتغلت كنت باخد 400 جنية عمرى ماشوفتهم. فخلينا نقول ((بس)) على اهم مرحلة مرحلة دخلتك على السوق وفرشة ورقك قصادك وحططان بضاعتك علية. هار اسود على الكلام دة انا هشغلك تاجر زفر فى سوق العبور.

الواسطة

الواسطة اللى لو انا شخصيا طلعلى جنى ب3 امنيات هاقولة مش عايز غير واسطة وانا هاخليك تحقق 7 امنيات

انا والعياذ بالله من قولة انا اول ماكنشفت اكتشفت ان مش كل واسطة واسطة لان فى واسطة توسطنك وفى واسطة بواسطتها توصلك فركذ الله يسترك اذا كانت واسطة ولا وصلة. امممم بتقول يعنى اية امممم طيب…

ممكن تلاقى واسطة, حد يدخلك مكان بس لو انت مابتعرفش تتعايش و تعيش الاجواء اكيد مش هاتحرز اى شئ من الليلة دى, وبالعكس انت ممكن تتسبب فى ان الناس تبقى مضايقة من تواجد الهلاهوطة دة معانا و تترجم لتريقة –لو هما لطاف- أوالاسفنة  ولو وصلت لاجماع على الفتك بيك ساعتها هايبقى بينك وبين الباب مسافة زقة رجل. اة نسيت اقولك 90% من النوع دة من الواسطة بتبقى واسطة بالحب او التحايل.

أشكال الواسطة

واسطة تانية تدخلك هو هو نفس المكان و هى هى نفس هلاهوتطك دى بس من 3 يوم تبتدى الناس تسالك نعمل اية فى الحكاية دى يا أ/ احمد..98% من النوع دة من الواسطة بتبقى واسطة مصالح اوسلطة….وصلت يا تيكاس خود دى (بوسة)

فيبقى كل واحد عنده واسطة يبصلها, يعرفها ماشية ازاى, يحط خطة ويذاكرها, او يخش ينام حسب بقى زاى ما قولنا ويتوكل على الله معلش بقى بتوع الواسطة يرجعو ورا عشان فى ناس بتعانى ورا عايزهم فى كلمتين.

((يخرب بيت الواسطة اللى فى كل حاجة دى))

القيلولة و يتبع,,

بقلم: حماد ماادة