عزوتي – #لهجة_مصرية

بقلم: ندى جمال

الصحاب عزوه وسند وحياه بيخلوا حياتنا ليها طعم تاني وبنحس بقيمتهم لما ميبقوش معانا

دور الصحاب بالدعم النفسي لنتجاوز تحدياتنا

تعالوا نشوف دورهم بطريقه مختلفه شويه، تعالوا نقارن كدا شخصيتين نفس كل حاجه في الصحاب والامكانيات والمستوى التعليمي والمادي كمان واطلب منهم هما الاتنين يرسموا لوحه لنفس الشخص

  • الشخصية رقم 1 رسمت رسمتها ولكن كانت على قدر غير كافي من الجوده والجمال وكان ممكن تطلع احسن بس أصحاب الشخصية دي حسسوها انها فعلا موهوبه وعندها الأفضل وإن هي فعلا لو كملت واشتغلت على نفسها أكثر المرة الجايه هتكون أحلى وبدل ما خدت في التقييم 50% هتاخد 100% كل دا علشان كانت متحاوطه بناس عندها أمل فيها قادرين يصدقوا أنها لسه مطلعتش الأحسن إلى جواها ولسه دي هتكون البداية.
  • أما بقا الشخصية رقم 2 بعد ما رسمت الرسمه وتفوقت على نفسها في أزاي تطلعها بالشكل إلي لازم يكون بس للأسف هنا بيكون الاختلاف هنا بيكون عدم وجود الأصدقاء عامل مؤثر بالسالب فعلا ملقيتش حد يقولها براڤوا بجد احسنتي وفي المرة الجايه هتبقا احسن من كدا مليون مره حست انها معملتش حاجه وان تعبها يكاد يكون راح على الفاضي.

تأثير الصحاب في زرع الأمل بحياتنا

الفكرة كلها اننا لما رجعنا نعمل التجربه دي تاني على نفس الشخصين الحاله رقم واحد كانت في تقدم وإبداع وفعلا قدرت تحسن نفسها عن الأول
والحالة رقم اتنين بقا عندها فقدان شغف للعمل لأنها ملقيتش المقابل الروحي للعمل إلى قدمته قبلها وبدل ما خدت في المرة الأولى 100% خدت المرة التانيه 50% وكان العمل للأسف مهما فيه بشكل ملحوظ وهو دا تأثير الصحاب إلى بجد انهم يخلونها احسن في كل مره حاولنا أننا نطور من نفسنا
ومش شرط اننا نلاقي ناس هتدعمنا طول الوقت الحياه مش سهله وممكن يكون فيه حد بيحبنا وبيعتبرنا حاجه حلوه في حياتوا بس احنا لسه مش عارفينه زي ما بيقولوا لك نص الحب جهرا والنصف الآخر دعاء.

ديما المحبه بتيجي من ناس مش متوقع في يوم إنهم بيحبونا بدرجه كبيره قوي كدا
وكالعاده لازم ننور الظلمه
كلام بنت ف ال 17 قررت تبدا سنتها الجديده بأمل جديد
قف وتفاءل فإنك لم تهزم بعد

بقلم: ندى جمال

 

أضف تعليقك هنا