بقلم: سلوى الزين

مشاركة قلبك بقراراتك

طبعا العنوان غريب … وناس كثير مش مقتنعه ودايما شايقة ان القلب هو اوحش واخطر حاجة علي الانسان لو قررنا نتعامل بيه ..

لو واحده داخلة علي جواز دايما بتسمع اختاري بعقلك مش بقلبك حب العقل ولا حب القلب وكلام زي ده كثير وهكذا في شغلك وحياتك كلها بس الحقيقة انا ليا رأي تاني انا شايفة ان اصدق حاجة الي بتخرج من قلبك

يعني مثلا لو حد قالك سلام عليكو وحسيت من نحيته بقبضة وانك محبتوش اسمع كلام قلبك لو حد شوفته بس كده من غير ميتكلم ومقيش راحة وقلبك اتقبض صدقه وحاجات زي ديه كثير ومنها لو عروسه وشوفته حد سيبي قلبك مش عقلك يقولك ااه مادي كويس وعيلته شكلها كويس ولا مناسب

كلامي مش معناه اننا نلغي العقل

وطبعا كلامي مش معناه اننا نلغي العقل انا بس بوضح ان القلب اهم واعظم عضو ممكن يساعدك ويكون اقرب صاحب ليك الرسول كما عليه افضل الصلاه والسلام قال سيبو مساحة لقلبكو القلب مش بس صاحب ضخ الدم وتشغيل باقي الاعضاء القلب ده صحبك وحبيبك كلمه واحكيله واختاره مع بعض وحل مشاكلك معاه صدقني هو اكثر واحد بيحبك هو صاحب ضخ دمك تفتكر حد محطوط فيه الثقه ديه كلها هيخذلك … حاجة كمان مهمة جداا قبل متسلم حياتك وتفكيرك لقلبك لازم تكون شخصية مصالحه ومعندكش اي مرض نفسي يذبذب تفكير قلبك وقراراته لازم تبقا مصالح جدااا وقريب من ربنا ومنقي قلبك ومعندكش بغض او كره وعندك تسامح لان كل الحاجات ديه ممكن تخلي قرارتك وحياتك كلها غلط
تصالح وتسامح ونقي قلبك وغذي روحك واستفتي قلبك وتوكل علي الله ✋🏻🙂

بقلم: سلوى الزين