رايح فين
آه يا جرح هددني
والذكرى جوايا
حنين شدني
مش باقي حاجة
إلا صورتك بالسعادة
والعشق اللي بات زيادة
من كل شيء
ليكي وأخدني
والصبر تاه
بيني وبينك
والعمر
اللي استنى يوم من سنينك
والعيون
اللي سهروا الليالي مستنينك
تهلي في سما دنياهم
يهدي بال المشتاقين
وسايبه العذاب
يجري في ودياني
يسقى اللي طارح
والورد لما يشرب
تدبل عيداني
تموت الخضرة فيه
ختي البساتين
يموت بكره
كنت بحلم في دنياكي يعيش
نلملم الحلم ع الأمل
اللي أصلا مفيش
عشان تداوي جرح أيامنا
وعني متبعديش
عشته في أيامي
والفراق كان على إيه
عشان دخلت الجيش
ولا ده النصيب
في النهاية متفرقين
بعد الفراق
وليالينا اللي بات
صرخة جريح
والكلام اللي ياما اتحكا
والقلب اللي أتصرع وادبح
صابح شارب أهانه
والليل ومراره
وساكن لسه جوانا
هي الأحزان عيشالنا ووخدانه
ولا من بين السنين
وحدينا شايفينها
ولا ليالي القمر
ولا ساعات السهر
حالات ما تفرح
وأصبحت كرهانة
إيه لأجل الحب هنسوي
وفين بعدك هعيش
دا أنا اللي جبت الشمس
تنور ليا وليك
ودعيت بطول العمر
عشان معاكي أعيش
وقف الزمان قدام خطوتك
سرح في عنيكي
قال من ضحكتك
لما وقعت فيكي عاشق
وترجيتك
لا ..لا.. متبعديش
القلم
أصبح على الورق مجنون
بيخالف كلامي
ويفصل من اسمك قصايد
والقلب
اللي كان طبيب بيداوي
بات الفراق مطعون
جواه الحزن
فايض عنه وزاد
ولو أيدي تحلف
بحس بايه
لما بتلمسك
والدمع اللي سايل
ويعدى مراكب
كيف الموكب
ومين حسسك
إنت واقفه
على بر في بحر
غير بحري
كانت ما بينا
رايحة تونسك
قالتلي
مات الحب بدري
واللي فاضل بينا
نار وعذاب
وكل واحد منا في طريق
ورجعنا تاني
من جديد أغراب
قبلتنا الليالي مجروحين
ولسة بسأل
أنا رايح فين
فيديو مقال قصيدة رايح فين
بقلم: نبيل الهومي الكَبَّار: نبتة خضراء يسافر نفعها من آسفي إلى مناطق وطننا الغراء على سبيل… اقرأ المزيد
بقلم: محمد زيدان أفكار مشاريع صغيرة, كثير هم الشباب الذين يبحثون عن فكرة عمل صغير,… اقرأ المزيد
بقلم: أحمد الحباسى كاتب وناشط سياسي أين هو العالم عما يحصل في فلسطين؟ هذا المقال… اقرأ المزيد
بقلم أميمة البقالي. ردود أفعالنا اتجاه الطوارئ والكوارث وسائل الإعلام تبقي الكوارث في طليعة أذهاننا.… اقرأ المزيد
بقلم: الشويخ عبدالسلام. فنان تشكيلي - استاذ الفنون التشكيلية بفرنسا مدير قاعة العرض البيداغوجية التابعة… اقرأ المزيد
بقلم: محسن العويسي كلمات من كتابي (نقاء الروح) إلى جياع المدينة.. استعلاء المتحضر على الريفيّ في… اقرأ المزيد