عودة الزوج

كل سنه وانت طيب يا حبيبى ايدك بقى

ايدى ايه هو النهادره عيد ولا ايه ؟؟؟

معقول يا حبيبى تنسى اهم شهر فى السنه مالك جرالك ايه؟؟؟

بالراحه بس كده عليا
يكونش عيد ميلاد حماتى وانا مش واخد بالى
وحتى لو… ابقى كل سنه وانا طيب ازاى ؟؟؟
قولى كل سنه وانت متنكد عليك يا حبيبى
كل سنه وحماتك معكننه عليك يا حياتى

ليه كده ياحبيبى دى حتى حماتك ملاك

حماتي ملاك ؟؟؟ حماتي دي قنبلة ذرية

اه لو فى يوم زعلتك مش هاسلم من كلامها دى اصلها مفتريه

والله ظالمها يا حبيبى قلبها طيب بس شويه عصبيه
بتخاف عليا بنتها بقى يا حبيبى حماتك ما يتزعلش منها

والله انا مخنوق منها دى كفايه لما ترمينى بنظرتها
باخاف واكش منها ربتلى الخفيف خليها تخف عليا
هى حماتى فين يا حياتى ؟؟؟
يجعل كلامى خفيف عليها
اصل الحيطان ليها ودان يا حياتى ممكن ادامى فى ثانيه الاقيها
اوعى تكون فى البيت وبتخبى عليا
سايبانى اخد راحتى فى الكلام تسمعنى اروح فى داهيه
اوعى يا حياتى ده انا جوزك حبيبك اهون عليكى تضيحى بيا؟؟؟

يا حبيبى اكيد ما تهونش عليا
اطمن حماتك مش فى البيت سافرت امبارح هتغيب كام يوم

طمنتى قلبى يا شيخه يا ترى هتطول؟؟؟ ياريتها بجد تطول

ما هو يا حياتى الشهر ده شهر كريم النكد بيترفع فيه
عرفت بقى يا حياتى باقولك كل سنه وانت طيب ليه

استنى استنى قولتى شهر كريم ؟؟؟

هو رمضان يا مرحب به

حماتى فى عمره بتروح وتطول المده باكون سعيد
ايوه كده يا حبيبتى فرحتى قلبى المسكين

طب يلا يا حياتى هات وارضينى
وماله يا حياتى طلباتك اوامر من عينيا اديكى

تسلملى يا قلبى كنت عارفه انك مش هتزعلنى
كل سنه وانت طيب رمضان كريم يا حبى