لما بتحب تاخد قرار وتفضل تكلم في نفسك وتسالها كتير وتفضل تحاور الموضوع من اليمين للشمال ومن الشمال لليمين علشان تبقي محاوط الموضوع بكل الاتجاهات ؟ ومع دلك نفسك بتفضل تحاربك جوا نفسك نفسها …. عارف لية لانك ضعيف بتتضعف من كلمه وبتخاف من كلمه … نفسك بتحارب نفسك .. بتيجي النهارده تتكلم مع نفسك وتقول انا عايز اتغير وتخطط وانت بتكلم نفسك انك خلاص هتبدا التغيير دة من هنا من النقطة دي انك خلاص هتبطل اللي بيضايق نفسك ومخليه نفسك في دائرة حرب جوه نفسك …..

-الخوف

الخوف هو اللي بيخلي الحرب تتدور جوة نفسك بتبقي عايز تعمل حاجات كتير وبتكلم نفسك ونفسك بتحاربك بالكلام وتقول بص لقدام ونفسك تجبلك شئ مخيف لقدام زي الافلاس وانك هتفلس وهتعيش بدون اكل وبدون اصحاب وبدون لابس والخوف يكلم نفسك ونفسك تكلم نفسها وتبدأ الحرب علي نفسك بنفسك …….

-متخيل

انت متخيل ان فية حد بيحاربك ؟ لا مفيش حد بيحاربك انت اللي بتحارب نفسك بنفسك … لما بتبص للمستقبل وانت قاعد علي الكرسي مع نفسك وتفضل تحكي وترغوا مع بعض وتلاقي نفسك بتقولك مستقبل اية انت اديك شايف الناس بتاكل في بعضها لية اديك شايف البلد فيها اية ؟ كام واحد انتحر علشان مشايف اي تغيير في حياته ولي حتي في البلد اللي عايش فيها … نفسك هيه الحرب الاولي جواك علشان تتخلص من الحروب لازم تحط جوا نفسك افكار جديدة غير افكار الناس لازم تتعلم ازاي تقتل الخوف خطط ابدا خطط ازاي تقتل الخوف بقصص ناس كانت مفلسة واصبحت غنية دور وفتش ازاي الفقير تغلب علي الفقر واصبح غني او اصبح ميسور الحال او متمسك بفقرة وعاجبة حاله ازاي …. فكر تاني وتالت ورابع انك علشان تعيش لازم تتغلب علي الخوف ولازم تبقي مستقبل كل شئ حلو او وحش درب نفسك ان الشئ الوحش اللي هتشوفة فالحياة شئ عادي وامر عادي خالص علم نفسك ان الاشياء الوحشة ممكن تزول بعقلك وفكرك انت ؟

الحكاية كلها اننا محتاجين نفكر في الاشياء الحلوة ومنفكرش في الاشياء الوحشة لو انت زعلان من حد بلاش تفكر انك زعلان منه فكر في الشئ الحلو اللي فيه لو ملقتش فية شئ حلو بلاش تفكر فية ودور وفتش علي حد فيه اشياء حلوة وجميله ….. الحكاية اننا لازم نتغلب علي خوفنا ونبطل نفكر فالاشياء الوحشة اللي بنشوفها فالحياة

-بين قوسين

اخر جمله عايز اقولها وهحطها بين قوسين علشان تركز فية كويس ( دايما اللي بيعمل شئ حلو الناس بتبعد عنه لان الناس بتحب الاشياء الوحشه ركز معايا عارف انت الشخص اللي واقف هناك دة ايوة هناك اللي بيشرب سجاير عارف ماشيين لية كتير معاه ومصاحبينه لية علشان بيشرب سجاير ومخدرات عارف لو بطل مش هيلاقي حد يسال علية ؟ انت عايز تبقي وحش زيهم لو عايز تبقي وحش زيهم علشان يصاحبوك علشان مصلحتهم يبقي روح خليك وحش ..؟ عارف اللي بيعمل الشئ الحلو لية ناس حلوة زيه؟

اكيد جوة كل انسان شئ حلو وشئ وحش …؟ بص انت الللحلو اللي انت عايزة وبتحبه …. لو بتحب تكون لوحدك اقطع كل الاشياء الوحشة لو بتحب تكون رئيس نفسك اقطع الاشياء الوحشة ياما سمعت من ناس كانت مصاحبة ناس سنين وسنين وفجاءة انقطعوا عن بعض ومفيش واحد فيهم تدكر للتاني الشئ الحلو اللي عملوه لبعض ؟ الحكاية كلها ياسادة ان نفسك بتحارب نفسك

فيديو نفسك بتحارب نفسك