عارف الرصيف ده بينام عليه كام شخص؟؟

كل يوم كتير ..

تعرف ان الرصيف ده احتواء المحتارين والغلابة والمجانين …

عشت انك تجرب وتنام عالرصيف في البرد والصيف ؟؟

طبعا لو حبيت تعيش التجربة هتلاقيها متعبه …

وانت ماشي جمب الرصيف أو علي الرصيف بتلاقي ناس وشوشهم مليانه سواد وحزن واكتئاب وصمت وكلام كتير مرسوم علي وشوشهم ..

عارف دول سريرهم الرصيف … وانت سريرك قطن وملايا ومخدة ..

لكن دول سريرهم رصيف وشوية ورق معمولين مخدة …

دول علي الرصيف وكل العيون شيفاهم وساكتين وصابرين ومفكروش انهم ينتحروا ولكن فيهم فعلا انتحر بعد معاناة مع الرصيف ….

ومتعرفش .. هو الناس دي ليه وصلت للمرحله دي ؟؟

عارف انا لما ببص ليهم وانا ماشي في الشارع واقول ياه علي الحياه قاسيه اوي علشان الانسان بس يرجع لعصر الحجري ويحتتضن الرصيف ..

كل الحكاية اني حبيت اتكلم واشوف الناس دي بتتحمل ازاي الم النوم على الرصيف وبرد الشوارع وحرارة الصيف …..

تخيل الناس دي مش عاملة اعتبار لاي حد ماشي في الشارع نهائيا ولا كانهم شايفين حد ماشي في الشارع ولا واخدين بالهم من صوت عربية او اصوات زحام الناس …

قاعدين عالرصيف بدون حتى ما يبصوا عليك ولا يسمعوك ولا يشوفوك ..

نحن نعيش كأنننا لا نعيش ..

وهناك من يتحمل الم كبير في حياته ويصمت

وهناك مالم يتحمل الالم فينهي حياته سريعا …

نوم الرصيف

فيديو مقال نوم الرصيف