‏المصريين هم من شوه مصر

‏المصرين شوهو مصر، دمروا كل حاجه فيها، بالاضافه الى الأخبار الكاذبه اللي بينشروها عن بلدهم بكل لغات العالم وفي الاخر يقولك زعلان على بلدي.

أزمة الفراولة

‏موضوع الفرواله المسرطنة قولنا متصدقوش قالك انت بتطبل ونشروا الموضوع بكل لغات العالم ودول منعت استيراد من مصر وطلع الموضوع كدب ودمر بلد واستيراد

ليست للسياحة

‏وبعدين دخلنا في السياحه المصري قالك مصر اسوء مكان في العالم مصر ومحدش يجي مصر أصل مصر مش أمان ودمر السياحه وبعدين يقولك حزين عليكي يا بلدي

السرنجه

‏‏وبعدين السرنجه قالك الأطباء بيستخدمو السرنجه مرتين اهمال طبي دمر الطب والناس اللي كانت هتسافر مصر للعلاج تراجعت وسافرت دول اخرى وسياحه علاجيه دمرها وطلع خبر كاذب

‏لحم الحمير

بالاضافه الى لحم الحمير السمك والزرع قالك بميه صرف صحي وكلها كلام من غير إثبات دمروا البلد كلها بالكلام كاذب ولما ترد يقولك انت مطبلاتي

مرض نفسي يصيب المصريين

‏مين هيجيلك يتعالج عندك او بل سياحه ولا او يأكل من عندك او حتى يستورد منك ولا حد المصرين دمرو البلد حرفيا ويقولك حزين عليكي يا بلدي.

‏في مرض نفسي أعراضه ان المريض مش بيرتاح الا لما يقطع في نفسه بالسكينة المصرين حاليا كدا مرضى بتشويه البلد وتدمير كل حاجه فيها وبيفرح بكدا.

‏في النهايه هتلاقي نفسك لوحدك بدافع عن البلد والإشاعات اللي بينشرها المصرين لتدمير بلدهم وهيقولو عليك مطبلاتي واللي بيدمرها مناضل وحزين عليكي يا بلدي.

فيديو المقال