كام مره سمعتي كلمة زباله في الشارع ومردتيش عشان شكلك في عيون الناس لو رديتي ؟ كام مره حد قالك هجوزك لأبني كأنك سلعه مستنيه اللي يشتريها ؟ كام مره حد قالك انتي ادورتي واحلوتي وكبرتي وبقيتي آنسه وحسيتي بإهانه جواكي علشان اللي قدامك مركز في جسمك وازاي كبر ؟ كلم مره حسيتي انك ضحية مجتمع جاهل ومفيش حد راضي ينجدك من بين ايديهم عشان شوية عادات وتقاليد وجهل وتخلف بشر.

واجهي الجهل:

انا مش هقولك واجهي الجهل ده لوحدك لأنك واحده في وسط ألاف جهله ومحدش فيهم فاهم . بس هقولك وهقول لكل بنت في المستقبل لما تبقي ام علمي ابنك انه يحافظ على بنات الناس زي مابيحافظ على اخته وانه مش معنى انه راجل يحقله يعمل اي حاجه وينتهك بنت في الشارع بكلمه او لمسه ؛ علميه ان اللي يتكلم في عرض بنت فده حرام وغلط ونبينا نهانا عن كده ؛ ربيه انه مش معنى كل اللي حواليه بيعملوا كده بإنه يعمل زيهم ؛ قوليله ان اللي في الناس ده جهل وهو عنده العلم.

علمي بنتك:

علمي بنتك ازاي تحافظ على نفسها ؛ قربيها منك واحتويها عشان متسمعش لكلام حتة ولد يستغلها ؛ قوليلها انتي جوهره ومسيرك تلاقي اللي يصونك ؛ قوليلها انها مبقاش ضحية لمجتمع جاهل ومش فاهم قوليلها انك مدام بترضي ربنا يبقى متلفتيش لكلام الناس لان يوم القيامه هتتحاسب لوحدها من غير الناس ؛ قوليلها انها تخلي راسها مرفوعه طول ماهي صح ومتخليش اي كلمه تأثر فيها.

فيديو حافظي على حقك