بقلم سلسبيلة سامى

المفروض عندک ايمان بربنا ولا لا .. ؟!

طيب هتفكر صح ولا ؟! محتارين ومش عارفين عاوزين ايه؟!

ليه متصليش استخارة وربنا يقولك .. رد على الاسئله دى وشوف اجابتک ۔۔ ✋

ربنا لما بيديلك حاجہ وحشه انت شايفها كدا .. وابتلاء وليه انا واشمعنا دة ودة ودة وهو انا عملت ايه وليه يحصلي كدا ۔۔ ليه ديمآ ممكن تحسبها كدا.. 👎

ليه متقولش انا ربنا بيحبنى عشان اختارلى الابتلاء دة .. اة والله ربنا اذا احب عبدآ ابتلاه,

بصلها من كل ناحيہ 💪❤

انت عندك قدرات حلوة ربنا ادهالك وخلاك مميز عن غيرک متقولش لا معنديش .. لما تقول كلمه( أنا )هات وراها كلمه ايجابيه .. بلاش الكلام السلبي اللى بتحبط بيه نفسك على الفاضي والمليان .. عاوز تكون قمه او تدخل حاجه قمه .. خليک انت القمه ذات نفسها وطور من نفسک ..

ربنا ادالك عقل ليه .. ؟! ومدهوش للكائنات التانيه ؟!

عشان ميزك عن اى حاجه موجودة .. مفيش حد زى بعض كلنا مختلفين بس الفرق بسيط .. طب ازاى ؟! ممكن تلاقي واحد يقولك لا كلنا شبه بعض ..

غلط كلنا مختلفين. الفرق ان فى شخص بيثبت فعلا اختلافه وتميزة وفى واحد بيكون تقليدى ..

#الخلاصه ..

تميز باسلوبك شكلك .. شخصيتك .. مجالك .. حياتک عمومآ كلنا اقوى من اى ظروف بنعدى بيها .. انت غير اى حد .. اثبت لنفسك دة وادى لنفسك 100% من ثقتك لنفسك ❤

لعله خير

بقلم سلسبيلة سامى