– هيا “الصياعة” حاجة حلوة ولا وحشة .؟ طب لو حلوة ليه بتتقال على أى حد ماشي غلط أو عايش بالطول والعرض مثلآ , ولو وحشة ليه بيتقال على أى حد ذكى بيعرف يشغل دماغةُ أو عرف يوصل لمكانة كويسة إنهُ صايع .!

-ليه الجواز فـ أوله رحمة من العزوبية , وأوسطهُ أستغفر الله العظيم يا شيخة , وأخرهُ اللي يعيش معاكي ليه الجنة .!

– ليه بنتجوز بـ الشهادة ونشتغل بـ الحب .!

-ليه كُل حاجة مكتوب عليها sale أو نازل عليها عروض بنجري نشتريها حتي لو مش محتاجينها علي سبيل إنها “لـُقطة” فـ الحقيقة دحنا اللي لـُقطة والله .!

-ليه بنفتح المكالمة وننهيها بالسلام ونعاتب بعض على قلة السؤال ولو حتي السلام وعملنا معاهدة مخصوص للسلام ورغم كده برضهُ لسه “كُتر السلام يقل المعرفة” .!

– ليه فـ الصيف بناكل عشان نعيش , وفـ الشتا بنعيش عشان ناكُل .!

-ليه “ما محبة إلا بعد عداوة” “وكنت واخد عنك فكرة غلط علفكرة” و “مكنتش بحبك أول معرفتك” ليه التسرع أصلآ فـ الآنطباع الآول .؟ عشان خير البر عاجلهُ ولا إيه .!

-ليه أول حاجة بنعملها لما نصحي من النوم نمسك “الموبايل” ونبص فيه بعين واحدة .!

– ليه لو سألت حد الحب ولا التعليم يقولك السفر طبعآ .!

– ليه كل الآماكن اللى معرفهاش وبسأل أروحلها إزاى يتقالي , هوا قالك فين .؟ أقولك ومتزعلش .!

– ليه اللي بيتكلم في الموبايل يفضل رايح جي جي رايح ويفضل يبص لفوق وتحت .؟ تفتكر بيقلب الكلام في دماغة .!

– ليه كله بالحب إلا الجواز بـ الشقة والعفش والفرح وعاوزه أروح لـ ماما بكرا عاات فلوس ., خُدي أحبيبتي .!

– ليه كل حاجه حلوة عمرها قصير وليه أنا أتولدت قصير وليه لسه بكتب وعارف إنهُ مش هيغير .!

لو لقيت إجابة لدول عرفني قبل ما أفاجئك بغيرهم وتنسي هيا كانت “ليه” ولا “أشمعني” ومتقوليش لييييه هااه لييييه

فيديو مقال لييييه هااه لييييه !