بقلم: عمرو حمدون

‏عزيزي المواطن المصري لو مصر قفلت المدارس عشان الكورونا مش هيكون المدارس بس هيكون المدارس والجامعات والكافيهات والمطاعم والسينما والمسرح والملاعب والجوامع والكنائس والناس اللي رزقها يوم بيومه هتقعد في البيت والمواصلات والطائرات وغلق المطار محدش يستعجل كله جي بس وقتها يا ترى الناس اللي بيطالبوا الدوله بغلق كل مرافقها لو انتشر الكورونا في مصر هتتحمل الاثار المترتبه عليه؟

لو الدولة قفلت كل مرافقها وعملت حظر ماذا سيحصل؟

لو الدوله قفلت كل مرافقها وعملت حظر الناس هتقعد في البيت والقطاع الخاص مش هيدفع مرتبات طبيعي واللي رزقه باليوميه حياته هتدمر والناس هتموت من الجوع او من الكورونا دا غير الهجوم اللي هيحصل على السلع وهتخلص والسوق سودا هتشتغل وأسعار الحاجه هتزيد بسبب الهلع اللي هيكون عند الناس.

مصيبة الكورونا مش هتكون بس في إغلاق المدارس

مصيبه الكورونا مش هتكون بس في اغلاق المدارس بس وقتها البلد كلها هتقفل والناس هتقعد في البيت معاك فلوس مش معاك مش فارقه تموت من الجوع او من الكورونا مش فارقه وقتها كله هيجري يحمي نفسه ويهتم بمصلحته وبس اللي مستعجل على وجود الكورونا في مصر وببطالب الدوله تاخد إجراءات هو مش عارف اثارها يصبر بس يا ترى هيتحمل نتيجتها
قرار اغلاق الدوله كل شيء مش سهل في دوله فيها ١٠٠ مليون فيهم اللي شغال باليوميه واللي شغال قطاع خاص اللي هيموتوا من الجوع او من الكورونا.

دورنا ننشر طريقة الوقاية من المرض

يا مصرين دورنا ننشر الوقايه من المرض والوعي بين الناس قدامنا فرصه لسه ننشر الوعي ارجوكم كورونا تأثيره مش موت وبس دا موت وخراب تدمير لكل مظاهر الحياه وزعو فلايرز عن طرق الوقايه البسو كمامات البرتقال واليوسفي اللمون والجنزبيل والعسل اغسلو ايديكم بالصابون والمطهرات بلاش زحمه بلاش شيشه بلاش بوس وحضن وسلام اللي يعطس يحلل قدامنا فرصه نحافظ على الحياه ولو حد مهمل يتحمل هو نتيجته انشروا الوعي وتحمل المسؤليه بين الناس بدل ما الحياه كلها تنهار.

بقلم: عمرو حمدون