سايكو 6 – الإكتئابك أسبابه وكيفية الخروج منه

منك لله ياللي في بالي ياللي خلتني افقع شوب ايرل جراي واكتب احد مقالات السايكو بتاعتي ,,استعنى عالشقا بالله

سايكو – الإكتئاب

احيان كتير مهما كنت انسان كوميدي وبتحب الضحك ,بينتابك شعور رخم كده بالاحباط وانخفاض بلاش انعدام الثقه بالنفس ,,للاسف تتشكك في قدراتك وامكانياتك,,مش عايز اقول ان الموضوع ده بيدخلك في حاله من الاكتئاب.

افتكاس تعاسه

القصة ان الاكتئاب بيجيب اكتئاب, يعني اول ما تدخل في هذه الحلقه بتتفنن في افتكاس اسباب التعاسه اللي مرت في حياتك وتقعد تستدعي كل المواقف اللي كانت حالتك المعنويه فيها واقعه وتحت الصفر وتقعد تكومها ويصعب عليك حالك.

والقصه انك كمان تقعد تسأل نفسك اسئله تصيبك اكتر بالحيره واغلب هذه الاسئله بيكون اساسا مالهاش اجوبه محدده او حتي انت بتلاقيلها اجوبه اكثر قتامه
سؤال واحد انت مش لاقيله اجابه هوا انا ليه بقيت كده واخرتها ايه,,وخلي بالك انت في هذه المرحله بتفتقد او بتنسي خالص اي تفكير ايجابي بناء وكل افكارك محبطه وسواداويه,,وانسي اي ايجابيه خالص في اي حاجه بتعملها.

وبتفضل محبوس في هذه نقطه السلبيه وعمال تلف في دائره مفرغه من غير ما توصل لاي نتيجه مثمره

عادي جدا ان ده يحصل، اي شخص طبيعي لازم يمر يالتقلبات دي والا يبقي مش طبيعي, بس برضه اي شخص طبيعي يبقي عارف ان دي تقلبات مود نوع من القفله في النفسيه مش اكتر.

الخروج من السايكو

علشان تخرج من هذه الحاله لازم تفصل خالص, تهدي تماما علشان تعرف تفكر بايجابيه وتبتعد عن النظر نص الكوبايه الفاضي.

عقلك الباطن

لو فيه انحراف حصل في مسار حياتك اقف وصلحه بدل ما تتمادي فيه ,,احيان كتير بتكون الحاله دي ما هي الا تمرد من جسمك ومن عقلك الباطن لحاجه مش تمام انت بتعملها حاجه ضد عادتك ,,حاجه مش انت اللي تعملها ,,اقف وصلحها ومتتماداش ومتعندش ويولع اي حاجه ,,,لو وقفت في اول الحاجه احسن ما تتدبس وتغرز وما تقدرش تقف وتخسر نفسك قبل اي حاجه.

تحقيق الهدف

لو فيه هدف ما عرفتش تحققه وده سبب احباطك فكر في طرق جديده لتحقيقه واستفيد حتي من فشلك وخليه اول سلمه في طريق نجاحك في تحقيق هدفك
مشوار الحياه سهل لكن التميز وانك تكون ايجابي مش بس عايش وخلاص محتاج منك تعب والاهم محتاج منك القوه لانتزاع النجاح اللي تستحقه,,

بص لنفسك في المرايا وارفع راسك وقول انا انسان قوي ومفيش حاجه باذن الله ممكن تؤثر عليا.

فيديو سايكو 6 – الإكتئابك أسبابه وكيفية الخروج منه

أضف تعليقك هنا

د. عمرو لطفي

د. عمرو لطفي