اي شئ مخالف بنلاقية مشهور اوي حتي وانت صغير …. في المدرسة بتلاقي الشخص المشهور هو الشخص المخالف اللي  بيشاغب  في الفصل واللي بيضرب الواد مبارك ابن الابله سوزان .. بتلاقية واخد شهرة كبيرة اوي ….

طبعا بنلاقي الاشخاص دول مشهورين جدا في المدرسة واسمائهم علي كل لسان طفل في المدرسه .. وتلاقي الواد صفوت شغال يذيع عامل زي البغبغان ويقول سمعت الواد محمد ضرب ابن الابله سوزان وشغال يذيع ماهو عيل مذياع بقي …. والكل يحترمه ويساله بقي واللي مضايق من الواد مبارك يقوله احسن والله يامحمد انك ضربته دة عيل يستاهل اكتر من كدة …

الجامعه

ولما كبرنا وبقينا في الجامعه نفس الحكاية هيه نلاقي المخالف مشهور بس هنا مش بالخناق لالالا هنا باللبس …تلاقي الواد تامر ماشي يعاكس الموزة اللي لابسة لبس مخالف تماما واللي لابسة لابس يخلي المخ يسال ابوها طلعها ازاي كدة طيب هيه لابسه دة ازاي ويجي الواد خلف ويفضل يذيع بقي في الكلية ويقولك شوفت البنت صفاء اللي لابسة كدا شوفت بنت الاية لابسة اية دة اللبس بتاعه ياراجل يشيب اية ابوها فين من كل دة …ولي امها ؟..ويفضل بقي ابن الجنية يفشخر في الكلام علي البنت ونلاقي البنت اللي بتشهر بصحبتها وبتفضحها …. فالمخالف مشهور اوي في كل الاماكن بنروح نلاقي ان المخالف مشهور ….

حتي اللي بيشرب سجاير بنلاقية مشهور اوي اكتر من الشخص اللي بيصلي وسيرته ماسكه في كل مكان حتي اللي بيشرب مخدرات برضو مشهور….الخ الخ …

انت شايف اية السبب اللي وصلنا ااننا نبقي نحب المخالف اكتر من المستقيم … هل الخوف هو اللي مخلينا بنحب المخالف وياخد شهره كدة بالشكل السريع دة كانه اخترع صاروخ وطار بيه

زمن المخالف

بقينا مش بنسمع سيره شخص متعلم نجح او شخص رياضي اصبح رياضي بالاستمرارية بقينا نسمع عن الاشخاص المخالفين وهما اللي واخدين الشهره بالصاروخ …. وبطلنا نسمع عن فلان اللي تاب وبقي بيصلي والتزم … بطلنا نسمع اخبار تجعلك متحفز بالعكس بقينا نسمع عن اخبار تجعلنا نبحث عنها علشان ناخد شهره اكتر واكتر ……

في النهاية احنا في زمن المخالف مشهور بس دة من زمان ولي من دلوقتي هل الانسان من زمان الزمان بيحب المخالف نفسي كنت احضر الزمان اللي فات علشان اعرف هل الانسان بيحب المخالف المشهور …….

فيديو المخالف المشهور