هو دة السؤال اللي كل يوم الواحد بيسال نفسه فيه

ازاي اصبحوا اغنياء مع انهم عايشين وسطينا في نفس الدولة ونفس المجتمع ..؟ تقول طيب خلاص احنا نحاول نستعين بجوجل وندور علي حد كان فقير واصبح غني ونقراء قصته ازاي بقي من الاغنياء .؟…. طبعا نجيب الناس اللي هيه مشهوره زي رجال اعمال ونكتب في جوجل …..

نلاقي عمنا جوجل بيهزر ويجيب سيرة الشخص ….

انه كان اساسا من عائلة غنية وتفضل تتضحك وتقول دة ابوه كان غني والابن جه زود الثروة زيادة ….. تروح تقول طيب نجيب واحد تاني غيره …؟ نجيب اسم شخص تاني زي مين ( نجيب ساويرس ) من عائلة كانت غنيه بس مش اوي دلوقتي اصبحت غني اوي …؟ طيب ازاي دة مجتمع فقير .. وتفاجا تلاقي سطر من تحت استثماراته في الخارج ؟ وتروح ضاحك وتقول اة دة كان بيستثمر في الخارج والداخل اة لا دة يبقي عمهم ..؟ وتروح تتدور علي صاحب مكادي اللي هو ( حامد الشيتي ) وتلاقي انه اساسا وارث من ابوة شركة سياحة صغيرة جدا واتجوز المانية يعني اصبح غني عن طريق المانية مش غني عن طريق دولة الفقراء وبقي صاحب فدادين في الصحراء واسطول عربيات شركه ايفكوا …..؟ وتفضل تقراء ودور علي قصص الاغنياء في دولة الفقراء متلاقيش واحد فيهم بداء من الصفر ….

وفجاءة تقول مفيش غيرة اللي بداء من الصفر هو( الريان )

وتروح داخل علي جوجل وتقراء القصة تلاقي القصة محيرة بداء من الصفر ولي بداء بالنصب علي الناس تحتار … تقول خلاص نشوف قصة غيرة … نروح نجري بقي ونكتب مين مين مين ايوة المشهور الملياردير الكبير ( محمد الفايد) وتروح تقراء بقي قصته تلاقي برضو اتجوز سعودية اخوها تاجر مخزن سلاح واصبح غني ومشهور عن طريق هذة العائلة …….

تزهق من القصص دي وتقول ياة مفيش حد غني من الصفر غير( اسماعيل يس ) بداء من الرصيف حتي مات مفلسا …

تسكت شوية وتفكر تجيب قصة مين تروح تكتب علي جوجل قصص الاغنياء من الفقر للغني تبص تلاقي عمنا جوجل يروح مطلعلك قصص الناس اللي عايشة في بلاد برة اللي هما اصبحوا اغنياء ودولتهم بتعترف باقل شئ …. وتقراء تقول اية دة قصة قصة وتفاجا ان الدولة اساسا هيه اللي بدعم الناس دي مش الناس هيه اللي بدعم الدولة …. تروح تغمض عيونك وتقول ياه نفسي اسيب البلد واروح البلاد اللي فيها الناس الناجحة دي من الصفر ….. غريبة دولة الفقراء اللي بتعاني من الفقر ازاي فيها اغنياء المفروض دولة فقيره ميكونش فيها اغنياء اساسا ازاي دولة فقيرة يبقي فيها الكل فقير مفهاش اغنياء طيب دول بيصرفوا ازاي في الغلاء بتاع الاسعار لالالالا دة موضوع تاني في مقال تاني بقي نتكلم فية ….. كفاية كدة حسد وقر علي الناس بينا وبينهم ربنا ….

فيديو كيف اصبحوا اغنياء في دولة الفقراء