شوفنا في القرن الماضي كتير من المشاكل و المناقشات و التغيرات اللي حدثت للدستور بشأن هل الشريعة الأسلامية هي مصدر من مصادر التشريع أم المصدر الوحيد أم مبادء الشريعة هي مصدر من مصادر التشريع؟ طيب الأسلاميين و جماعات أهل السنة و الجماعة و أنهم بيطالبوا بأن الشريعة الأسلامية هي المصدر الوحيد للتشريع. طيب أيه رأيكم بأن طلابكم بخصوص أن الشريعة الأسلامية تطبق كاملة و نخدها كدستور كام . هو في حد ذاته ضدد الشريعة الأسلامية أزاي ده اللي هنشرحه.

الشريعة الإسلامية

الاسلام كدين من بين أديان الدولة اتبني علي خمس أركان ” الشهادة , الصلاة , الزكاه , صوم رمضان , حج البيت الحرام ”
الاسلام كدين من بين أديان الدولة له أحكام و تشريعات لمعتنقين الدين ده يعني كونك مسلم ” يجب ألا تأكل لحم الخزير , الميت , الخمر , الزني , القتل , السرقة , القمار , الحجاب فرض علي كل مسلمة افترضاً لما ورد من اختلاف في الاراء , امك و اختك و … محرم عليك , أحكام الطلاق , الزكاه تتعطي أزاي , صوم رمضان و أحكامه , الصلاة و احكامها , الحج و مناسكه , ألا تقرب النساء وهم حائض , احكام كتيررر جدااا ”
كونك معتنق هذا الدين ” الأسلام ” كل الأحكام دي مطلوبه منك انك تعملها لأنها جائت بنص صريح أو نص من الرسول الكريم و الحاجات دي بتنظم علاقتك بربك و بالمجتمع
السؤال هنا . ؟ هل كل ما هو حرام أو حلال ملزم الأتباع .. ؟
نرد علي السؤال ده بالمنطق ربنا لما حرم و حلل هل طلب من حد أنه يحرم ويحلل بمعني أخر . ؟
والله المثل الأعلي لو هنفرض أن الكون ده سلطات تلاتة . ربنا سبحانه و تعالي شرع و وضع دستور أسمه ” القرءان الكريم ”
هل توجد سلطة تسمي السلطة التنفيذية هل توجد سلطة تسمي السلطة القضائية ؟
مافيش سلطة ربنا قالها خدي القرءان نفذيه .. بس فيه سلطة للقضاء اللي هي ربنا هيجي يوم و هتقف قدامه في محكمته و هتتحاكم
يبقا ربنا اسقط سلطه وهي التنفيذ و لم يجبر الناس علي إتباع الشريعة و اعطاهم الحرية في أنهم يتبعوها و لأ ؟

مبادئ الشريعة الإسلامية

طيب عرفنا الشريعة طيب أيه هي المبادئ اللي الأسلاميين أهل السنة و الجماعة مش عايزينها .
المبادئ دي حاجات بتساعد في أن المجتمع ميفسدش مبادئ عامة زي مثلا ( القتل . السرقة . العدل . السلام . الحقد … ) مبادئ أخلاقيه مش أحكام ولا فروض

أيه بقا الدستور

الدستور ده من صنع البشر ( ناس دارسة قانون . سياسيين . رجال دين . دكاتره . فنانين ) بيعملوا في الأخر منتج لتنظبيط العلاقات بين الناس و بعضها و بين الناس و السلطة .. الدستور إلزام , له أحكامه اللي بتتطبق زي السجن الأعدام الغرامة ..
اللي بينفذ الدستور ده هيئة تفيذية زي الدخليه كدا طيب مين بيحكم بلأحكام القضاء

أزاي بقا طلب الإسلاميين بتطبيق الشرعية مخالف للشريعة!

أنت عايز تعامل الشريعة كدستور صح يبقا انت عايز تحط سلطة تنفيذية للقرءان المتمثل في الشريعة الأسلامية ضح ..
يبقا عايز تعمل قانون للحجاب صح … و تعمل بيت مال المسلمين و تلم الزكاه صح … و عايز تعمل قانون للصلاه .. و قانون للجيزية .. و قانون للحج … و قانون لأكل لحم الخنزير و قانون كل الاحكام و ايه كمان هتعاقب الناس يعني هتعمل حكم كمان …
انت متخيل انت عملت سلطة تنفيذية للشريعة الأسلامية اللي من مبادئها مافيش سلطة تنفيذية وعمل احكام كمان و فرض بالايد اللي ربنا معملهوش  ولا أمر بيه.

فيه حاجات في الشريعة الأسلامية لازم تطبق دي مبادئ أساسية زي القتل و السرقة …. ألخ تطبيقها هيعمل فارق في المجتمع
أما فيه حاجات طبيقها و الألزام بيها ملهوش لزمه في المجتمع زي مثلا الصلاه سواء بصلي أو لأ ده هيضرك فأيه .. ؟ باكل لحم خنزير سواء بأكل أو لأ هيضرك فايه ؟ مش بطلع الزكاه مطبقتش الفرض ده هيضرك فأيه ؟ محجتش هيضرك فايه ؟ مصمتش يضرك فأيه ؟
قلعت الطرحة هيضرك فأيه  ؟ بس كدا الشريعة الأسلامية هي لتنظيم علاقة العبد بربه بس أنت اللي هتتحاكم و انت اللي هتقف قدام ربنا

العلمانية بقا بتنادي بكدا بتنادي باللي الشريعة نفسها بتنادي بيه هي فصل الشريعة الإسلامية عن السياسة ده اللي العلمانية بتطالب بيه ليس إلا.

فيديو مقال ما بين الدستور والشريعة الإسلامية #مقال_بالعامية_المصرية