انا هتكلم النهاردة عن مشكلة موجودة فى كل البيوت المصرية بلا استثناء، هتكلم عن الفجوة الزمنية اللى بينا وبين اهلنا، هتكلم عن الاحباط والتعب النفسى اللى بيتعرضلوا معظم جيلنا ان مكنش كله، هتكلم عن كمية التناقض الرهيبة اللى بنواجه كل يوم وغصب عننا لازم نتعايش معاه لان بمنتهى البساطة مفيش حل تانى !!
انا هرجع لوراء من سنين كتير كده ايام ماكانوا اهلنا شباب وفى سن العشرينات تقريبا وهبدأ معاهم من النقطة دى انتوا جيل اتخرج اشتغل فى اماكن حكومية كان عندكم فرص كتير جدا انكم تعملوا اللى انتم عايزينه باقل الامكانيات تسافروا تتعلموا تلبسوا تجربوا حاجات جديدة ..
جيلكم كان بيتجوز فى سن صغير، اهلكم كانوا اقل تعقيدا منكم نظرا لان مكانش عندكم ربع الانفتاح اللى عندنا عشان يتخاف عليكم، تجاربكم فى الحياة وقتها كانت تتعد على الصوابع ومازلت ..
احنا جيل منفتح على كل بلاد العالم تقريبا، احنا جيل دخل كليات مغصوب عليها اتخرج لاقى نفسه بطوله فى نص البحر قدامه اختيارات ضئيلة يايشتغل بواسطة وياما يشتغل نفس شغل اهله ياما يفحت فى الصخر عشان يشتغل والنتيجة محدش بيشتغل حاجة بيحبها محدش راضى عن نفسه الانتاجية فى النازل وادينا اسمنا بنشتغل وخلاص ..
احنا الجيل اللى كل مايحلم حلم يتفتت قدام صخرة الواقع او اهله ” انت فاكر نفسك هتغير العالم , ماهى طول مادماغك مش مريحاك هتفضل كده , يابنى انت ولا حاجة وانا فى سنك كنت مخلفك , انت فاشل الخ .. ” وكلام كتير الحقيقة مش بفتكره كله على فكرة انتوا اهلنا يعنى انتوا المفروض اول ناس تقفوا جانبنا وتشجعونا احنا مش عايزين منكم غير الكلمة الحلوة لو مش هتعرفوا تقولوها يبقى تسكتوا احسن ..!
احنا الجيل اللى زادت فيه نسبة العنوسة وزادت فيه نسبة تاخر سن الجواز وناس كتير فى التلاتين ومش عارفة تعيش ابسط حقوقها ويبقى ليها بيت واسرة مش عشان احنا فاشلين لا عشان احنا الجيل اللى بعد مابيفحت فى الصخر بيبقى مطلوب منه انه يجيب شقة بنص مليون جنيه وشبكة على حسب ذوق العروسة وعفش وهرى كتير انت متخيل انت بتطلب المستحيل ازاى انت بتطلب من شب فى العشرينات من عمره يكون معاه مليون جنيه مثلاً عشان بس يعيش مع البنت اللى بيحبها انت فاهم الجيل ده بيحصل فيه ايه الجيل ده بينهار الجيل ده بيكره فكرة الجواز لانه بمنتهى البساطة مش قادر فيعيش لوحده اسهل بكتير من انه يعيش مع حد تانى حتى لو بيحبه انت عندك جيل بدا يكفر بالحب والجواز عارف ده معناه ايه ؟!
وترجعوا تقولولنا انتوا هتفهموا زينا يابنى انا شفت كتير الله طب ماانا كمان شفت كتير غالبا اللى انت شفته فى 50 سنة انا شفته فى عشرين يعنى انا عقلى متفتح عنك ويمكن بعرف اتصرف احسن منك ده مش تقليل منكم على فكرة انا نفسى تبطلوا تقارنونا بيكم وتحاولوا تحسوا ولو لثانية بربع المصاعب اللى احنا بنواجهها ومتصعبهاش علينا انتم كمان ..
وكفاية كل شويا مشاكل بسبب الجواز ” وانك عايز تفضل كده مش متحمل مسئولية ” والله انا متحمل مسئولية انتوا مش متخيلنها كفاية انى برجع سليم كل يوم ولسا بكامل قوايا العقلية والله انا نفسى مفضلش كده اكيد انا مش مبسوط كده وعشان كده بحاول ..
من شوية سنين مش كتير اوى لما كنا صغيرين ربتونا على شوية مبادئ وقيم وطموحات زرعتوا قوة فى شخصيتنا واحلام خلتونا نقرا ونفهم نشوف الدنيا علمتونا نلعب رياضة خلتونا نعمل اللى بنحبوا ربتونا نختار ونتحمل مسئولية قرارتنا وصلتونا للى احنا فيه واحنا بنشكركم جدا على ده ..
معلش ايه اللى حصل لشوية التربية دى ليه بتقلقلوا مننا ومن احلامنا وطموحاتنا ليه مش فرحانين بينا ليه مش مؤمنين بينا بعد مابقى فى ايدنا نعمل حاجة زى ماكنتوا مؤمنين بينا واحنا مش بنعرف نعمل اى حاجة ليه معندكوش شوية ثقة فينا زى ما كنتم واثقين فينا زمان ليه بتبعدونا عنكم وترجعوا تستغربوا عزلتنا وسكوتنا ليه بتكرهونا اننا ناخد رائيكم فى اى حاجة فى حياتنا ليه بتحبطونا ؟!
ليه بقا كل همكم انى اتجوز ومش مهم انى ناجحة فى شغلى مش مهم انى بحقق احلامى مش مهم انى مثلاً بنت بمية راجل ليه مش مهم اى حاجة بس مهم انى لازم اتجوز عشان انتم تفرحوا وانا مش مهم افرح !!
وايه المطلوب منى وانا بشوف كمية التناقض ده هو مش انتم المفروض مثلى الاعلى .. لو تعرفوا كمية الخوف اللى جوانا اننا نبقى فى يوم من الايام شبهكم غالبا هاتعيدوا تفكير فى كل تعاملكم معانا لاننا بمنتهى البساطة منتمناش نبقى شبهكم نفسنا نعرف نتعامل مع اولادنا باسلوب احسن نفسنا نتحب مش عشان احنا بس اهلهم لا لاننا قدوة ليهم لانهم نفسهم يبقوا شبهنا ..
انا مش عايزة اصدمكم بس مع الاسف انتم غلط يمكن زمان كنتم صح بس انتم دلوقتى غلط احنا جيل مش فاشل احنا جيل محتاج فرصة ودعم وتشجيع وشوية حب زيادة منكم وياريت لو شوية تقدير احنا نقدر لو انتم اقتنعتم اننا نقدر …
فيديو مقال صراع الأجيال
بقلم: رسل المعموري جبريل عليه السلام هو أقرب ملائكة الله إليه، وصديق النبي صل الله… اقرأ المزيد
أيها القارئ الكريم ظللنا لعقود طويلة ومنا من لا يزال يؤمن أو متأثر بثقافة المنظرة… اقرأ المزيد
بقلم: رسل المعموري ""وَقَالُوا كُونُوا هُودًا أَوْ نَصَارَىٰ تَهْتَدُوا ۗ قُلْ بَلْ مِلَّةَ إِبْرَاهِيمَ حَنِيفًا… اقرأ المزيد
ما هي صفات الابن المراهق؟ لسن المراهقة بدايةً بالتمهيد وهو عمر ما قبل سن المراهقة… اقرأ المزيد
أنا فخورة بأنني أمازيغية مغربية، فاللغة الأمازيغية تحمل في طياتها عمق الإحساس وجمالية الطبيعة والثقافة… اقرأ المزيد
لطالما كان الوقوفُ على قدمين منتصبتَين، أو ربّما على قدمٍ واحدة، أو ربما النهوض بلا… اقرأ المزيد