غريبه تلك الحياة اللي بتخليك تحكم على الناس من خلال ملابسهم وبرضو بتحترمهم علشان ملابسهم … كنت فاكر ان الناس بتحترم الإنسانية يعني انا انسان فالناس لازم تحترمني علشان انسان لكن للاسف اثبت الواقع عكس ذلك ان الاحترام اصبح عن طريق الملابس البنطلون والقميص والجزمه والعطر ……
هحكيلك حكاية واقعيه حصلت معايا انا شخصيا اقسم بالله ما بكدب عليك دي الحقيقة اللي شوفتها من البحث عن الواقع الحقيقي بس للاسف لقيت الواقع عبارة عن بنطلون ……
الحكاية ياعزيزي اني شاب بيحلم يكون ذو قيمة علمية ووظيفية بس للاسف مفيش الكلام دة للشباب اللي زينا الكلام بتاع القيمة الوظيفية ده للناس اللي هيه معاه وساطة ومتقوليش فيه ناس في الحياة معانا معاهم قيمة وظيفية ذو قيمة مفيش حد عنده وظيفة ذو قيمة بدون وساطة ومحسوبية انا هحكيلك بالتفصيل في السطور الجاية دي عن بنطلوني …..
زهقت من القعدة والتفكير قولت اتمشي وبالمرة اسال علي وظائف متاحة فجتلي فكرة اني اجيب اسماء شركات الادوية كلها من الانترنت في محافظتي وجبت كل شركات الادوية ولبست تي شيرت بتاعي وبنطلون ترنج رياضي وصندل ونزلت اتمشي واروح الشركات
دخلت شركة اسمها فارما للادوية قابلني شخص بنظارة وبكرش ووبدله وبنطلون وقميص وبعطر وبيقول بكل تكبر عايز اية من علي السلم قولتله جاي اسال على وظائف متاحة قالي بكل قرف واستفزاز روح البس قميص وبنطلون وتعال اسال على شغل بقول لحضرتك انا بس جاي اسال مش جاي استلم ….. فقالي اه فية وظائف متاحة
قولت خلاص اروح اشتري قميص وبنطلون واشتريت ولابستهم تاني يوم وروحت اسال علي الوظائف المتاحة عندهم ايه هيه…
ملقتش وظائف متاحة قالي املأ ابلكيشن وبعدين نتصل بيك … بصراحة صحكت وقولت ياه معجبهوش تي شيرتي ولا ترنجي وصندلي وقالي البس قميص وبنطلون وتعال .. ياه على الانسانية اللي بتتقاس بالبنطلون والقميص ها هيه الحياة قميص وبنطلون منظر خارجي
ايه رايك في مقال بنطلوني وقميصي؟
بقلم: رسل المعموري جبريل عليه السلام هو أقرب ملائكة الله إليه، وصديق النبي صل الله… اقرأ المزيد
أيها القارئ الكريم ظللنا لعقود طويلة ومنا من لا يزال يؤمن أو متأثر بثقافة المنظرة… اقرأ المزيد
بقلم: رسل المعموري ""وَقَالُوا كُونُوا هُودًا أَوْ نَصَارَىٰ تَهْتَدُوا ۗ قُلْ بَلْ مِلَّةَ إِبْرَاهِيمَ حَنِيفًا… اقرأ المزيد
ما هي صفات الابن المراهق؟ لسن المراهقة بدايةً بالتمهيد وهو عمر ما قبل سن المراهقة… اقرأ المزيد
أنا فخورة بأنني أمازيغية مغربية، فاللغة الأمازيغية تحمل في طياتها عمق الإحساس وجمالية الطبيعة والثقافة… اقرأ المزيد
لطالما كان الوقوفُ على قدمين منتصبتَين، أو ربّما على قدمٍ واحدة، أو ربما النهوض بلا… اقرأ المزيد